«Kishkentaı ǵana kólshikti Kishi Taldykól dep aıtýǵa bolmaıdy. Kishi Taldykól úlken júıe bolǵan. Kishi Taldykólge Selınograd kezinde káriz qaldyqtary tógilgen. Biz ekolog retinde bilemiz, qalanyń ishinde jaǵymsyz ıis shyǵatyn, bylǵanǵan kólshik bolmaýy kerek», dedi Azamathan Ámirtaı.
Ol atap ótkendeı, BUU-nyń ekostandartynda da solaı kórsetilgen.
«Bul jaǵdaıda ákimdik merdigermen kelisip, kólshikti túgel keptirmeı, onyń ornyna basseın salý týraly kelisti. Ol 20 gektar alańdy alady. Ol jerde saıabaq salynyp, abattandyrylady. Bul ekologtar úshin kishkentaı bolsa da jeńis. Aınalasyn jaqsartyp, sýyn tazartsa, tabıǵat úshin jaqsy dúnıe dep oılaımyz», dedi ekolog.
