BUU Balalar qory (IýNISEF) Sanıtarlyq-epıdemıologııalyq baqylaý komıtetimen, Qazaqstan Respýblıkasy Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵymen (QR DSM QDSUO), AQSh Halyqaralyq damý agenttiginiń (USAID) qarjylyq qoldaýymen balalardyń josparly vaksınalaýy týraly resmı aqparat pen medısınalyq zertteýlerdiń nátıjeleri jınaqtalǵan saıt ázirlendi. Birneshe aı boıy MedSupport dárigerleri men ǵalymdar toby IýNISEF-pen birlesip qajetti derekterdi iriktep, ata-analar men Qazaqstandaǵy ımmýndaý taqyrybyna qyzyǵýshylyq tanytatyn adamdar úshin EGU.kz saıtynyń qurylymy, ınterfeısi jáne kontentin barynsha qolaıly etý boıynsha jumys atqardy.
Aqparattyq resýrsta Ulttyq vaksınalaý kúntizbesine engizilgen ár vaksınanyń tolyq sıpattamasy bar. Saıtqa kirgen kez kelgen adam vaksına qorǵaıtyn ınfeksııalarmen tanysyp, qarsy kórsetilimder men yqtımal janama áserler týraly oqı alady. Saıttyń iske qosylýymen árbir qazaqstandyq ata-ana aýtızm jáne QPQ vaksınasy týraly mıftiń qalaı paıda bolǵany, nelikten balalar ekpelerinde synap joq ekendigi, sondaı-aq ıneksııa ornyn sýlaýǵa bolatyny álde bolmaıtyny jaıly bile alady. Sondaı-aq vaksınalaý týraly alypqashpa áńgimelerdiń tolyq tizimi men ony áshkerleıtin senimdi aqparatqa kóz jetkizedi.
«Vaksınalaý máseleleri kópshilik pen buqaralyq aqparat quraldaryn jıi alańdatady. EGU.kz saıtynyń negizgi mindeti – vaksınalar týraly tolyq jáne senimdi aqparat berý jáne respýblıkada vaksınalaý jumystaryn uıymdastyrý. Bul platforma vaksınalaý salasyndaǵy tájirıbeli mamandar jáne ǵalymdar men halyqtyń arasyndaǵy ashyq jáne shynaıy dıalogqa arnalǵan. Osy arqyly árkim ózin tolǵandyrǵan suraqtarǵa kásibı jáne ǵylymı negizdelgen jaýap ala alady», dedi Sanıtarlyq-epıdemııalyq baqylaý komıtetiniń tóraıymy Aıjan Esmaǵambetova.
«Vaksınalaý – ata-analar úshin balalaryn juqpaly aýrýlardyń aýyr zardaptarynan qorǵaýdyń jalǵyz, tıimdi jáne balamasy joq ádis. EGU.kz saıtynda siz vaksınalaý týraly durys, dáleldi jáne negizdelgen aqparatty ala alasyz», dedi Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Aınagúl Qýatbaeva.
Resmı resýrsta Vaksınalaý kúntizbesi, Vaksınalaý ortalyqtary, Vaksınalar men aýrýlar, mıfter, Suraqtar men jaýaptar sııaqty aıdarlar bar. EGU.kz
saıtynda ata-analar vaksınalardyń túrleri týraly aqparatqa qol jetkizip, onyń qaýipsizdigin tekserýdiń barlyq kezeńi jáne ózderin mazalaıtyn máselelerge jaýap taba alady. Saıt sonymen qatar vaksınalaý tarıhyna qysqasha sholý jasaıdy jáne vaksınamen basqarylatyn birqatar juqpaly aýrýlardy jeńý jolyndaǵy adamzattyń alǵashqy qadamdaryn sıpattaıdy. Aldaǵy ýaqytta atalǵan resýrs balalardy josparly vaksınalaý týraly ózekti statıstıkalyq derektermen tolyqtyrylady.
«Vaksınalardy oılap shyǵarý – medısınanyń eń úlken jetistigi. Bul – ózińizdi jáne balańyzdy densaýlyqqa qaıtymsyz zııan keltiretin, keıde ólimmen aıaqtalatyn qorqynyshty aýrýlardan qorǵaýdyń eń tıimdi jáne keıde jalǵyz joly. HHI ǵasyrda keıbir ata-analar balalaryn vaksınalaýdyń tıimdiligi men qajettiligine qatysty áli de kúmándanýda. Durys jáne aqparattandyrylǵan tańdaý jasaýǵa kómektesý úshin IýNISEF óziniń seriktesterimen birge buryn Qazaqstanda bolmaǵan biregeı saıt ázirledi. Ulttyq vaksınalaý kúntizbesine kiretin vaksınalar týraly barlyq aqparatty tabý ońaı jáne jeńil. Bul saıt ata-analarǵa balasyn vaksınalaý týraly mańyzdy sheshim qabyldaýda paıdaly qural bolady dep senemin», dedi Qazaqstandaǵy IýNISEF ókili Artýr van Dızen.
Saıt turǵylyqty jerge eń jaqyn vaksınalaý ortalyǵyn tabýǵa múmkindik beretin kartamen jabdyqtalǵan. Balańyzǵa josparly egýdi umytyp ketpeý úshin ata-analar elektrondy kúntizbege vaksınany ýaqytynda qoıý qajettiligi týraly eskertý fýnksııasyn qoldana alady.
«Biz osy jobanyń bir bóligi bolǵanymyzǵa qýanyshtymyz. EGU.KZ saıty qazaqstandyq sábılerdiń qaýipsiz jáne salamatty balalyq shaǵy úshin ata-analardyń taptyrmas kómekshisi bolady!» dep túsindirdi Medsupport ujymy.
Saıt IýNISEF Qazaqstan men Qazaqstan Respýblıkasy Densaýlyq saqtaý mınıstrliginiń ımmýndaý júıesin kúsheıtý jónindegi birlesken baǵdarlamasy sheńberinde ázirlengen.
«Immýndaý ómirdi ǵana qutqaryp qoımaıdy, sondaı-aq balalarǵa, áıelderge jáne otbasylarǵa órkendeýge múmkindik beredi. Bul mańyzdy veb-saıtta berilgen aqparat adamdarǵa vaksına arqyly aldyn alatyn aýrýlardyń qaýpinen qorǵanýǵa kómektesedi. Nátıjesinde, balalar mektepte bolyp, ata-analar óz otbasyna qamqorlyq jasap, qoldaý kórsetý arqyly óz qoǵamdastyǵy men eliniń ekonomıkalyq ósýine yqpal ete alady», deıdi USAID/Ortalyq Azııa mıssııasy dırektorynyń mindetin atqarýshy Pıter Iаng.
