«Talıban» qozǵalysynyń joǵarǵy basshysy Haıbatýlla Ahýndzada 15 tamyzda Kabýldy basyp alǵannan keıin alǵash ret málimdeme jasady. Onda «Talıban» sharıǵatqa qaıshy kelmeıtin barlyq halyqaralyq zańdardy, kelisimder men mindettemelerdi oryndaıtynyn aıtty.
«Aýǵanstannyń bolashaǵy, eldi basqarý men búkil máseleler sharıǵatpen retteledi», dedi Ahýndzada. Sonymen qatar ol eldiń sheteldikterden azat etilýimen quttyqtady.
Alaıda AQSh bıligi buǵan alańdaýshylyq bildirip otyr. Bir aıta keterligi, Aýǵanstan mınıstrler kabınetine birde-bir áıel adam kirmegen.
Premer-mınıstr bolyp saılanǵan Hasan Ahýndzada da, onyń orynbasary ári «Talıbannyń» jetekshisi sanalatyn Abdýl Ganı Baradar da BUU-nyń qaýipti adamdar tiziminde tur. Al ishki ister mınıstri bolyp taǵaıyndalǵan Sıradjýddın Hakkanıdi AQSh terrorıst dep tanyǵan.
