Tóreshi belgi bergen bette alań ıeleri oıyn tizginin qolǵa alyp, tolassyz shabýyldar uıymdastyrdy. Ásirese, Bosnııa men Gersegovına quramasynyń basty juldyzy jáne kapıtany Edın Djeko bizdiń qorǵanys shebimizdi jıi mazalady. Ol birneshe márte jaqsy soqqylar jasap, ádemi pastar berdi. Fıntteri qandaı keremet deseńizshi... Odan bólek, Mıralem Pıanıch, Saed Kolashınas, Adı Nalıch jáne Ermedın Demırovıchtiń de tegeýrinine tótep berý ońaıǵa soqpady. Shyny kerek, birinshi taım barysynda qazaqstandyq fýtbolshylarǵa sáttilik joldas boldy. Olaı deýge negiz, óz qaqpamyzdyń mańynda oıynshylarymyz jıi qatelesti. Al ol múmkindikti bosnııalyqtar utymdy paıdalana almady. Olardyń tepken doptarynyń kóbi qaqpadan qıys ketip jatty. Keıbir tusta qorǵaýshylardyń aıaǵyna tıip, keri qaıtty. Áıteýir, abyroı bolǵanda bul qaýiptiń bárinen qutyldyq.
Birinshi kezeńde tym epsizdeý kóringen bizdiń komanda úzilisten keıin batyl qımyldaı bastady. Nátıjesi oń boldy. 52-mınýtta Ashat Taǵybergenniń buryshtamadan bergen dobyn Islambek Qýat qaqpaǵa dál túsirdi – 0:1.
Qazaqstan alǵa shyqqanymen, qorǵanysta jatyp alǵan joq. Biraz ýaqyt boıy bar kúsh-dármenimen alǵa umtylǵan bosnııalyqtardyń shabýyldaryna toıtarys berdi. О́zderi de birneshe ret qorǵanys shebin buzyp ótýge talpynys jasady. Buryshtama dobyn da birinen keıin birin bergen sátte Balqan taýy bókteri saparynan oljaly oralsaq degen úmitimiz odan saıyn ulǵaıa tústi. Biraq bir mezette bári ózgergendeı boldy. 75-mınýtta tóreshi bizdiń qaqpaǵa kúmándileý 11 metrlik aıyp dobyn belgiledi. Mıralem Pıanıchtiń soqqysyn Igor Shaskıı keri qaıtara almady – 1:1. Odan keıin de alań ıeleri qarqynyn báseńdetpedi. 86-mınýtta qazaqstandyq qorǵaýshylar qatelesti – buryshtamadan berilgen dopty Lýka Menalo torda týlatty. Esep – 2:1.
Desek te, joǵarydaǵy jaǵdaı bizdiń jigitterdiń jigerin jasyta alǵan joq. Negizgi ýaqytqa tóreshi taǵy alty mınýt qosty. Sol ýaqyt esepti teńestirý úshin jetkilikti boldy. Aıyp dobyn minsiz oryndaǵan Baqtıer Zaınýtdınov barsha qazaqstandyq jankúıerdi qýanysh pen shattyqqa bóledi – 2:2. Osylaısha, keshe túnde Talǵat Baısýfınov jattyqtyratyn Qazaqstannyń ulttyq quramasy álemdik dop dodasynyń irikteý týrnırindegi óziniń úshinshi upaıyna qol jetkizdi.
