Is-sharaǵa QHA Tóraǵasynyń orynbasary - QHA hatshylyǵynyń meńgerýshisi Marat Ázilhanov, QR Aqparat jáne qoǵamdyq damý vıse-mınıstri Serik Egizbaev, Parlament Májilisiniń depýtattary, respýblıkalyq jáne óńirlik etnomádenı birlestikterdiń tóraǵalary jáne basqalar qatysty.
Dóńgelek ústelge qatysýshylar Prezıdent Joldaýynyń negizgi mindetterin, QHA-nyń olardy iske asyrýǵa qatysý suraqtaryn, sondaı-aq Assambleıanyń qoǵamdyq kelisim men jalpyulttyq birlikti nyǵaıtý jónindegi jumysyn talqylady.
M.Ázilhanov Memleket basshysynyń Joldaýy birlikti, táýelsizdikti, halyqty biriktiretin qundylyqtardy saqtaý jáne nyǵaıtý qajettiligi týraly qoǵamǵa berilip otyrǵan belgi ekendigin atap ótti.
QR Aqparat jáne qoǵamdyq damý vıse-mınıstri S.Egizbaev Mınıstrliktiń etnosaralyq qatynastardy damytý jáne úılestirý jónindegi qyzmeti týraly egjeı-tegjeıli aıtyp berdi.
Spıkerler Prezıdent óz Joldaýynda árbir qazaqstandyqtyń eldegi beıbitshilik pen kelisimdi nyǵaıtýǵa qosqan úlesi mańyzdy ekenin atap ótti.
Qatysýshylardyń pikirinshe, Joldaý kún tártibindegi áleýmettik-ekonomıkalyq jáne saıası ózekti máselelerge tájirıbelik jaýap boldy, halyqty tolǵandyratyn ózekti máselelerge tikeleı jaýap berdi.
Is-shara qorytyndysy boıynsha Qazaqstan halqy Assambleıasynyń músheleri men barlyq qurylymdarynyń qatysýymen Memleket basshysynyń Joldaýyn odan ári túsindirýge jáne tıimdi iske asyrýǵa baǵyttalǵan naqty usynymdar ázirlendi.
