Qala qıylystarynda jaryǵy bar jaıaý júrginshiler baǵdarshamy qoldanylady. SWARCO óndirýshisiniń jańa baǵdarshamy ádettegi dybystyq fýnksııany tolyqtyratyn bolady. Endi baǵdarshamnyń qyzyl jaryǵy trotýarǵa da túsedi tıisinshe jaıaý júrginshilerdiń smartfonynyń dıspleıine de shaǵylysatyn bolady.
Jaıaý júrginshiler baǵdarshamy jerdegi jaryqtandyrý fýnksııasyn oryndap qana qoımaıdy, sonymen qatar eki kózi telefonda, «basyn salbyratyp júretin» óskeleń urpaqtyń nazaryn aýdarady. Osylaısha jaıaý júrginshilerdiń qaýipsizdigine aıtarlyqtaı úles qosady.
Jaıaý júrginshiler baǵdarshamynyń jańa modelinde mynadaı artyqshylyqtar bar: ymyrt úıirilgende jáne túngi ýaqytta trotýarǵa qyzyl jaryq túsýine baılanysty baǵdarshamnyń qyzyl belgisi jaqsyraq kórinedi, smartfonnyń dıspleıine baǵdarshamnyń qyzyl sıgnaly túsýi arqyly jaıaý júrginshilerdiń qaýipsizdigi artady jáne trotýardyń shetinde qyzyl túspen belgilengen oryndardyń arqasynda jaıaý júrginshilerdi kólik júrgizýshileri jyldam baıqaıdy.
Baǵdarshamnyń tájirıbelik nusqasy 9 baǵdarsham obektisine qoldanyldy.
Budan bólek dybystyq jol kórsetý júıesi bar baǵdarshamdar ornatyldy. Bul jaıaý júrginshiler, ásirese kózi nashar kóretin jurt úshin tıimdi. Osylaısha, jaıaý júrginshiler ótkeliniń qaýipsizdik jaǵdaıy edáýir artady.
Mundaı baǵdarshamdar qalanyń 7 obektisinde ornatylǵan.
