«Búgingi tańda Sovid-19 koronavırýstyq ınfeksııasyn erekshe qaýipti aýrý retinde anyqtaıtyn erejeniń merzimi ótip jatyr», dep jazady Politico basylymy.
Osy erejeniń qoldanylýynyń aıaqtalýymen birge shekteýlerdi birtindep alyp tastaý týraly kelisim qoldanysyn toqtatty, oǵan sáıkes elde qalǵan barlyq shekteý sharalaryn saqtaý 1 qazanda kúshin joıýǵa tıis boldy.
«Jańa erejelerge sáıkes, meıramhanalarǵa, sport zaldaryna jáne túngi klýbtarǵa kirý úshin el boıynsha ruqsat talap etilmeıdi, Covid-19 juqtyrǵan adammen baılanysta bolǵan balalar endi birden úıge jiberilmeıdi. Karantın tek koronavırýspen aýyratyn naýqastar úshin jaramdy bolady. Deni saý azamattar keńselerge, al balalar mektepterge orala alady», delingen aqparatta.
Bılik barlyq sanıtarlyq sharalardy 10 qyrkúıekke deıin toqtatýdy josparlap otyrǵany tamyz aıynyń sońynda belgili boldy. Tıisti bıýlletendi Danııanyń Densaýlyq saqtaý mınıstrligi taratty.
Koroldik Densaýlyq saqtaý mınıstrliginiń basshysy Magnýs Hoınık eldegi vaksınasııa deńgeıin óte joǵary dep baǵalady. Degenmen, ol shekteýlerdi alyp tastaǵannan keıin, eger eldegi epıdemıologııalyq jaǵdaı kenetten nasharlasa, olarǵa qaıta oralýy múmkin ekenin moıyndady.
