Buǵan deıin rektordyń mindetin ýnıversıtet prorektory Rahym Beknazarov atqarǵan.
Saltanatty sharaǵa QR Bilim jáne ǵylym mınıstri Ashat Aımaǵambetov pen oblys ákimi Ońdasyn Orazalın qatysty.
«Osy ýnıversıtetke kelýdegi basty maqsat – kadr máselesi. Konkýrs jarııalanyp, Dırektorlar keńesiniń otyrysynda bul másele birneshe ret qaraldy. Respýblıkalyq komıssııanyń sheshimimen Laýra Qarabasova ýnıversıtettiń rektory bolyp taǵaıyndaldy. Laýra Qarabasova M.Qusaıynov atyndaǵy daryndy balalar mektebin úzdik bitirip, odan keıin osy ýnıversıtette bilimin jetildirip, keıin «Bolashaq» baǵdarlamasy boıynsha Ulybrıtanııadaǵy eń bedeldi JOO-lardyń biri Ýorık ýnıversıtetin támamdaǵan. Sonymen qatar Nazarbaev ýnıversıtetinde bilimin jalǵastyryp, sol ýnıversıtette menedjer mamandyǵynan bastap, departament basshylyǵyna deıin kóterildi. Osyndaı dúnıejúzilik deńgeıdegi bilimimen, biraz tájirıbe jınaqtaı otyryp Laýra Chapaıqyzy óz ýnıversıtetinde jumys isteıtin bolady», dedi mınıstr óz sózinde.
Jańa rektor Laýra Qarabasovanyń jasy 34-te. Osylaısha ol respýblıka boıynsha eń jas rektor atandy.
