Áýe kemesiniń bortynda AQSh, Ulybrıtanııa, Kanada, Nıderland jáne Ýkraına azamattary bar. Barlyǵy 200-ge jýyq adam. Aqparat quraldarynyń habarlaýynsha, búgin Kabýldan taǵy bir reıs júzege asyrylýy tıis.
Al Katar bıliginiń málimdeýinshe, qazir Kabýldaǵy áýejaı azamattyq ushaqtardy qabyldaýǵa 90 prosent daıyn. Ony qalpyna keltirýge Túrkııa da at salysyp jatyr. Eske sala keteıik, Aýanstanda Tálipter bılikke kele salysymen, myńdaǵan adam elden ketý úshin Kabýldaǵy áýejaıǵa umtylǵan edi. Sebebi tek osy áýe aılaǵy ǵana, batys áskerıleriniń baqylaýynda qalyp, adamdardy evakýasııalaý osy jerden ǵana júrgizildi. Jalpy 2 aptaǵa sozylǵan operasııa kezinde 124 myńnan asa adam kóshirilgen.
