96 jastaǵy Uly Otan soǵysynyń ardageri Alýadın Oraqovtyń áýletin oblys ákimi Nurlan Noǵaev quttyqtap, Prezıdenttiń atynan arnaıy dıplom tabystady.
Ǵasyrǵa jýyqtaǵan Alýadın Oraqov búginde 8 bala ósirip, olardan 33 nemere men 48 shóbere súıip otyr. Basym bóligi bilim salasynda eńbek etýde.
Oblys ákimi N.Noǵaev baıqaýǵa qatysýshy árbir otbasynyń tarıhy, bul – Qazaqstan turmysynyń ensıklopedııasy ekenin atap ótti.
«Mereıli otbasy» jaı ǵana aıtylatyn sóz emes. Ol ananyń aıaly alaqany, ákeniń ystyq meıirimi, týǵan-týysqannyń júrek jylýy. Árbir shańyraqtaǵy bereke túptep kelgende tutas eldiń berekesi. Adamǵa eńbekqorlyq, otansúıgishtik, jasampazdyq pen meıirimdilik sııaqty asyl qasıetter otbasy arqyly darıdy. О́negeli otbasynyń tiregi Alýadın aqsaqal urpaǵymen myń jasasyn, ósip-órkendeı berińizder!», dedi óńir basshysy.
Mańǵystaý oblysy bala týý kórsetkishi boıynsha elimizde úzdik úshtikte. Sońǵy jyldary bul kórsetkish 30 paıyzǵa ósken. Búginde aımaqta 41 myńnan astam kópbalaly ana bar. Onyń 11 myńnan astamy «Altyn alqa» jáne «Kúmis alqa» ıegeri.
Al Táýelsizdik alǵaly Mańǵystaý oblysy halqynyń sany 2,5 ese artty.
