2020 jyldyń 2 shldesinde «Astana» halyqaralyq qarjy ortalyǵyn basqarý jónindegi keńes otyrysynda Memleket basshysy Qasym-Jomart Toqaev AHQO-nyń 2025 jylǵa deıingi damý strategııasyna ortalyqty óńirlik qarjy ortalyǵy retinde qalyptastyrý qajettigin tapsyryp, AHQO óńirdiń barlyq elderin ózara baılanystyratyn ámbebap alańǵa aınala alatynyn ataǵan edi.
О́z kezeginde Ortalyq Azııa elderi AHQO usynǵan múmkindikterge joǵary qyzyǵýshylyq tanytýda. Qyrǵyz Respýblıkasy Prezıdenti Sadyr Japarovtyń 2021 jyldyń naýryz aıynda jasaǵan memlekettik sapary barysynda AHQO-ǵa arnaıy at basyn burýy osynyń dáleli. Nátıjesinde Qyrǵyzstannyń ınvestısııalyq jáne qarjylyq bastamalaryn iske asyrýda AHQO alańynyń artyqshylyqtaryn paıdalaný týraly kelisimge qol jetkizildi.
Atalǵan kelisimdi iske asyrý aıasynda AHQO delegasııasy 2021 jyldyń 6-8 qyrkúıek aralyǵynda Qyrǵyz Respýblıkasyna bardy. Úshkúndik sapar barysynda ár deńgeıdegi qyrǵyzstandyq memlekettik jáne jeke qurylymdar men halyqaralyq uıym ókilderiniń AHQO múmkindikterine degen joǵary qyzyǵýshylyqtary baıqaldy.
Sapar barysynda Eýropa Qaıta Qurý jáne Damý banki, Halyqaralyq qarjy korporasııasy, Reseı-Qyrǵyz Qory, Qyrǵyz Respýblıkasyndaǵy Amerıka saýda palatasy, Halyqaralyq iskerlik keńes ókilderimen Ortalyq Azııadaǵy kapıtal naryǵy men ınvestısııalyq tartymdylyqty damytý týraly joǵary deńgeıdegi máseleler talqylandy.
Qyrǵyzstannyń memlekettik organdarymen jáne salalyq qaýymdastyqtarymen zara jemisti yntymaqtastyq qurýǵa erekshe mán berildi. AHQO delegasııasy Qyrǵyz Respýblıkasy Ulttyq Bank tóraǵasymen, Qyrǵyz qor naryǵy dırektorlar keńesiniń tóraǵasy jáne prezıdentimen, Qyrǵyzstan Bankteri Odaǵynyń tóraǵasymen, Elektrondy kommersııa qaýymdastyǵy ókilderimen kezdesý ótkizdi. Nátıjesinde Qyrǵyzstannyń qarjy jáne ınvestısııa sektory qyzmetkerleriniń úzdiksiz kásibı damý múmkindikterin keńeıtý úshin Bankter Odaǵy alańyn paıdalaný, «jasyl» jáne ıslamdyq qarjylandyrýdy damytý aıasyndaǵy áriptestik jáne Qyrǵyzstannyń ekinshi deńgeıli bankterine ESG prınsıpterin engizý týraly kelisimge qol jetkizildi. «Optıma Bank» AHQO-men birlesip oqytý baǵdarlamalary men kásibısharalar daıyndaý men ótkizetin osy eldiń alǵashqy kommersııalyq banki boldy.
«AHQO Ákimshiligi» AQ Basqarma Tóraǵasy Ernur Rysmaǵambetov pen Qyrǵyz Respýblıkasy ınvestısııa mınıstri Almambet Shykmamatovtyńsheteldik ınvestısııa tartý, qundy qaǵazdar naryǵyn damytý, ınnovasııa men venchýrliınvestısııalaý múmkindikterin keńeıtýge baǵyttalǵan birlesken jobalardy iske asyrý týraly kelisimge kelýi sapardyń negizgi qorytyndysy boldy.
AHQO ár deńgeıdegi memleketaralyq teń kommýnıkasııany damytýǵa z úlesin qosa bermek. Koronovırýstyq ınfeksııaǵa baılanysty óńirlik jáne jahandyq turaqsyzdyq kezinde mundaı baılanystyń mańyzy tipten arta túsetini anyq. Al qyzǵyz kásipkerlerdiń erekshe qyzyǵýshylyq tanytýy AHQO-nyń óńirlik deńgeıdegi mańyzyn kórsetse kerek.
