Qarqabat ana eskertkishiniń ashylý saltanatyna Qazaqstan Jazýshylar odaǵynyń tóraǵasy Ulyqbek Esdáýlet, aqyn, Memlekettik syılyqtyń laýreaty Serik Aqsuńqaruly jáne atqarýshy bılik pen zııaly qaýym ókilderi, qurmetti qonaqtar qatysty.
– Qazaq halqynyń tarıhynda iz qaldyrǵan Qazdaýysty Qazybek bıden bastap batyr-ǵaryshker Toqtar Áýbákirovke deıingi tulǵalar anasynyń esimi eshqashan umytylmaq emes. Bul eskertkishtiń óskeleń urpaqty otansúıgishtik rýhta tárbıeleý isindegi mańyzy zor, – dep atap ótti nysannyń ashylýynda sóz sóılegen Ulyqbek Esdáýlet.
Eńseli eskertkishke qajetti qarajatty Ortalyq Qazaqstan akademııasynyń rektory Baqtybaı Júnisov bastamashy bolyp, Qarqabat ana urpaqtary jınaǵan.
Qazaqstan Sýretshiler odaǵy Qaraǵandy oblystyq fılıalynyń sheberhanasynda quıylǵan eskertkishtiń avtory – belgili músinshi Beıbit Mustafın.
