Qazaqstan halqynyń birligi kúni merekesi elimizdegi ár túrli etnostar ókilderiniń yntymaǵyn túsinýde mańyzdy ról atqarady. Al jalpy Qazaqstan nebir qıyn kezeńderde de beıbit ómir men kelisimniń tıimdi úlgisin qalyptastyra bildi.
Ár túrli ulttar men dinı senim-nanymdaǵy qazaqstandyqtardyń bir-birine degen qurmeti ejelden erekshe. Osynyń arqasynda Otanymyz búginde qoǵamdaǵy beıbitshilik pen tynyshtyqty saqtaı otyryp, alǵa myǵym qadam jasady.
Qazaqstan halqy Assambleıasyn qurý Prezıdentimiz N.Á.Nazarbaevtyń mańyzdy saıası jobasy boldy. Atalǵan etnosaralyq ınstıtýttyń elimizdegi turaqtylyqty ornyqtyrýdaǵy úlesi úlken. Qazir Assambleıa konstıtýsııalyq organ mártebesine deıin kóterilip, el Parlamentine óziniń ókilderin jibere alatyn quqyqqa ıe bolyp otyr. Júrgizilip kele jatqan durys saıasat qoǵamdaǵy etnostyq toptardyń tilderi men mádenıetterin damytýǵa jaǵdaı týǵyzýda. Iаǵnı, etnomádenı birlestikterdiń ulttyq mektepteri, teatrlary, BAQ júıesi jumys isteýde. Qazaqstanda árbir ult ókili óziniń halyqtyq dástúrin, tarıhyn, mádenıeti men tilin saqtaýǵa, damytýǵa quqyly jáne memleket oǵan barlyq jaǵdaıdy jasap otyr.
Uıǵyrlar shaǵyn jáne orta kásipkerlikte, memlekettik organdarda jumys isteýleri arqyly elimizdiń básekege qabiletti 50 el qataryna enýine, ekonomıkasynyń nyǵaıýyna belsendi qatysyp keledi. Qazaqstan Jazýshylar odaǵynda 40 uıǵyr jazýshysy bolsa, Sazgerler odaǵy men Sýretshiler odaǵynda da kóptegen ókilderi múshelikte. Budan basqa tele jáne radıo arnalarda uıǵyr tilinde kóptegen habarlar taratylyp, “Ýıǵyr aıvazı” respýblıkalyq gazeti shyǵady, álemdegi jalǵyz uıǵyr teatry Almatyda, 60 mektepte uıǵyr tilinde sabaq júrgiziledi. Uıǵyrlar arasynan kóptegen Qazaqstannyń eńbek sińirgen jáne halyq ártisteri, ǵylym doktorlary, professorlar, kandıdattar shyqqan, ár túrli medaldar men ordenderge ıe bolǵandary da bar.
Almaty qalasy máslıhatynyń depýtaty, belgili óndiris maıtalmany Ahmetjan Shardınov basshylyǵymen Uıǵyrlardyń respýblıkalyq ortalyǵy kóptegen shetin máselelerge der kezinde aralasyp, týyndaǵan problemalardy taban astynda sheship keledi. Ahmetjan Bakrımuly etnosaralyq beıbit ómir men kelisimdi nyǵaıtýda óńirlik fılıaldarda uıǵyrlardyń qoǵamdyq ómiriniń lokomotıvine aınaldy. Árıne, munyń barlyǵy Memleket basshysy Nursultan Nazarbaevtyń kóregen saıasatynyń nátıjesinde múmkin bolyp otyrǵan máseleler. Prezıdentimiz óziniń sózderinde beıbitshilik pen kelisimdi ortaq úıimizde saqtaý bárimizdiń jeńisimiz jáne ony nyǵaıta berý ár qazaqstandyqtyń mindeti degendi jıi aıtady. Bul Uıǵyrlardyń respýblıkalyq ortalyǵynyń ǵana emes, barshamyzdyń ustanǵan basty mindetimiz bolyp otyr.
Biz búgingi tańda Qazaqstan halqy Assambleıasynyń postkeńestik keńistikte ǵana emes, jalpy álemdik qoǵamdastyqta balamasy joq erekshe organ ekendigin atap kórsetýimiz kerek. Bul etnosaralyq tolerant-tylyq modeli jáne bárimiz ony maqtan tutamyz.
Murat AHMADIEV, QHA-dan saılanǵan Májilis depýtaty.
Sýrette: Qazaqstan halqy Assambleıasynan saılanǵan depýtattardyń bir toby.
Uıǵyrlar shaǵyn jáne orta kásipkerlikte, memlekettik organdarda jumys isteýleri arqyly elimizdiń básekege qabiletti 50 el qataryna enýine, ekonomıkasynyń nyǵaıýyna belsendi qatysyp keledi. Qazaqstan Jazýshylar odaǵynda 40 uıǵyr jazýshysy bolsa, Sazgerler odaǵy men Sýretshiler odaǵynda da kóptegen ókilderi múshelikte. Budan basqa tele jáne radıo arnalarda uıǵyr tilinde kóptegen habarlar taratylyp, “Ýıǵyr aıvazı” respýblıkalyq gazeti shyǵady, álemdegi jalǵyz uıǵyr teatry Almatyda, 60 mektepte uıǵyr tilinde sabaq júrgiziledi. Uıǵyrlar arasynan kóptegen Qazaqstannyń eńbek sińirgen jáne halyq ártisteri, ǵylym doktorlary, professorlar, kandıdattar shyqqan, ár túrli medaldar men ordenderge ıe bolǵandary da bar.
Almaty qalasy máslıhatynyń depýtaty, belgili óndiris maıtalmany Ahmetjan Shardınov basshylyǵymen Uıǵyrlardyń respýblıkalyq ortalyǵy kóptegen shetin máselelerge der kezinde aralasyp, týyndaǵan problemalardy taban astynda sheship keledi. Ahmetjan Bakrımuly etnosaralyq beıbit ómir men kelisimdi nyǵaıtýda óńirlik fılıaldarda uıǵyrlardyń qoǵamdyq ómiriniń lokomotıvine aınaldy. Árıne, munyń barlyǵy Memleket basshysy Nursultan Nazarbaevtyń kóregen saıasatynyń nátıjesinde múmkin bolyp otyrǵan máseleler. Prezıdentimiz óziniń sózderinde beıbitshilik pen kelisimdi ortaq úıimizde saqtaý bárimizdiń jeńisimiz jáne ony nyǵaıta berý ár qazaqstandyqtyń mindeti degendi jıi aıtady. Bul Uıǵyrlardyń respýblıkalyq ortalyǵynyń ǵana emes, barshamyzdyń ustanǵan basty mindetimiz bolyp otyr.
Biz búgingi tańda Qazaqstan halqy Assambleıasynyń postkeńestik keńistikte ǵana emes, jalpy álemdik qoǵamdastyqta balamasy joq erekshe organ ekendigin atap kórsetýimiz kerek. Bul etnosaralyq tolerant-tylyq modeli jáne bárimiz ony maqtan tutamyz.
Murat AHMADIEV, QHA-dan saılanǵan Májilis depýtaty.
Sýrette: Qazaqstan halqy Assambleıasynan saılanǵan depýtattardyń bir toby.
