Foto: KCNA
KCNA resmı aqparat agenttigi zymyrandar demalys kúngi synaq kezinde 1500 shaqyrymǵa deıin ushqanyn habarlady.
Bul Soltústik Koreıanyń azyq-túlik tapshylyǵy men ekonomıkalyq daǵdarysqa qaramastan, áli de qarý jasaýǵa qabiletti ekenin kórsetedi.
AQSh áskerıleri sońǵy synaqtar halyqaralyq qoǵamdastyqqa qaýip tóndiretinin, al kórshi Japonııa «alańdaýshylyq» bar ekenin aıtty.
Soltústik Koreıanyń «Rodong Sınmýn» gazetinde zymyrannyń fotosýretteri jarııalandy.
KCNA agenttiginiń habarlaýynsha, zymyrandar - «mańyzdy strategııalyq qarý». Synaqtar senbi jáne jeksenbi kúnderi júrgizilgen. Olar nysanaǵa dóp tıgen.
Soltústik koreıalyq sarapshy Ankıt Pandanyń aıtýynsha, bul eldegi ıadrolyq oqtumsyqty alyp júre alatyn birinshi qanatty zymyran.
«BUU Qaýipsizdik Keńesiniń sanksııalary Soltústik Koreıaǵa ballıstıkalyq zymyrandardy synaýǵa tyıym salady, biraq ol tizimde mundaı qanatty zymyrandar joq», dep jazady VVS.
