Ushaq Máskeý ýaqytymen 18:15-te (jergilikti ýaqyt boıynsha 23:15) Irkýtskiden shamamen 500 km qashyqtyqta ornalasqan Kazachınskoe aýylynan 4 km qashyqtyqta qulaǵan. Prokýratýra ushaq Kazachınskıı áýejaıyna qonǵan kezde ekinshi aınalymǵa kirýge tyrysqanyn aıtty. Tehnıkanyń isten shyǵýy men ushqyshtyń kinásy bolýy múmkin degen nusqalar qarastyrylyp jatqany belgili.
Sońǵy málimetterge sáıkes, oqıǵa saldarynan tórt adam – ushqysh pen úsh jolaýshy qaıtys boldy. Al Reseıdiń Tótenshe jaǵdaı mınıstrliginiń habarlaýynsha, 12 adam zardap shekken. Barlyǵy aýrýhanaǵa jetkizilgen. Bir adam aýyr halde, al qalǵanynyń jaǵdaıy ortasha dep baǵalanyp otyr. Irkýtsk oblysynyń bıligi qaza tapqandar men zardap shekkenderdiń otbasylaryna kómek kórsetiletinin málimdedi.
