Batys Qazaqstan oblysynyń Oral qalasynda jetimderdiń aqysyn jep kelgen laýazym ıesiniń áreketi áshkerelendi. Bul týraly «Qazaqstan» telearnasy habarlady.
Prokýrorlyq tekserý barysynda «Qazposhta» AQ qyzmetkeriniń jetim balalardyń esep-shotyna qol salǵany anyqtaldy. Kúdikti birneshe balalar úıiniń tárbıelenýshilerine tıesili aqshany bermegen eken. Jalpy, urlanǵany 12 mln. teńgeden asyp túsedi. Osyǵan oraı, kúdikti áıelge asa iri mólsherde senip tapsyrylǵan bóten múlikti urlady degen aıyp taǵyldy. «Qazirgi kezde aqsha urlyǵyna qatysty qylmystyq is oblystyq qarjy polısııasy departamentine joldanyp, tergeý amaldary júrgizilýde. Ol aıaqtalǵasyn, qansha kisiniń osy qylmysqa qatysy bary málim bolady», - deıdi Oral qalasynyń prokýrory Aıdyn Rashıdov.
Buǵan deıin de jekelegen óńirlerde tárbıeshilerdiń jetimderdi uryp-soǵý deregi tirkelgen-di. Endi qarjy jymqyrǵan qylmystyń beti ashylyp otyr.
Ámirhan Almaǵanbetov.
Derekkóz: «Qazaqstan» telearnasy.
Foto: «Qazaqstan» telearnasy.
