Jol-kólik oqıǵasy jóninde SQO polısııa departamentiniń baspasóz qyzmeti túsinik berdi.
«14 qyrkúıek kúni saǵat 10:00 shamasynda Qyzyljar aýdany aýmaǵynda, «Petropavl-Jezqazǵan avtojolynyń 953 shaqyrymynda jol-kólik oqıǵasy boldy. Apat saldarynan velosıped teýip júrgen 12 jasar qyz júk kóliginiń astyna tústi. Apat ornyna Qyzyljar aýdandyq polısııa bóliminiń jedel-tergeý toby jóneldi. Anyqtalǵandaı, «KamAZ» kóliginiń 31 jastaǵy júrgizýshisi velosıpedshilermen bir baǵytta kele jatqan. Sport mektebiniń tárbıelenýshileri áýejaı jaqtan shyqqan eken. Olarǵa «Gazel» kóligi ilesip júrgen», delingen habarlamada.
Jol-kólik oqıǵasynyń saldarynan qyz bala qaza tapty. Bul fakti sotqa deıingi tergep-tekserýlerdiń biryńǵaı tizilimine «Kólik quraldaryn júrgizýshi adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha engizildi.
