AQSh prezıdenti Barak Obama 28 qańtar kúni keshkisin Kongress aldynda «Eldiń jaǵdaıy týraly» joldaýyn jasady. Sózi barysynda ol úkimetpen kelisim jasaǵan kompanııalar qyzmetkerleriniń eńbekaqy deńgeıin saǵatyna 10,1 dollarǵa deıin kóterý týraly jarlyqqa qol qoıǵanyn málimdedi.
AQSh PREZIDENTI KONGRESTE JOLDAÝYN JASADY
AQSh prezıdenti Barak Obama 28 qańtar kúni keshkisin Kongress aldynda «Eldiń jaǵdaıy týraly» joldaýyn jasady. Sózi barysynda ol úkimetpen kelisim jasaǵan kompanııalar qyzmetkerleriniń eńbekaqy deńgeıin saǵatyna 10,1 dollarǵa deıin kóterý týraly jarlyqqa qol qoıǵanyn málimdedi.
«Assosheıted press» agenttiginiń habarlaýynsha, jarlyq 2015 jyldyń basynda kúshine enedi. Bul orta taptaǵy azamattardyń jaǵdaıyn jaqsartýǵa múmkindik beredi. Prezıdent óz joldaýynda, sondaı-aq, orta tap ókilderiniń eńbek naryǵynda básekelestikke qabilettiligin arttyrý úshin olardy kásibı qaıta daıarlaý baǵdarlamasyn ázirleý qajettigin de atap ótken. Barak Obamanyń atap ótýinshe, bul sharalardyń barlyǵy orta tapty nyǵaıtady jáne el ekonomıkasynyń ósý qarqynyn jedeldetedi. Sonymen qatar, prezıdent joldaýda AQSh Kongresi men federaldyq úkimet arasynda ózara qarym-qatynas máselesine de erekshe nazar aýdarǵan.
QYRYQTAN ASTAM ADAM SÝ TASQYNYNYŃ QURBANY BOLDY
Sońǵy aqparattarǵa qaraǵanda, Bolıvııadaǵy sý tasqynynan 40-tan astam adam mert bolyp, 20 myńǵa jýyq turǵyn baspanasyz qalǵan. Tabıǵat apatyna baılanysty Bolıvııa bıligi elde tótenshe jaǵdaı engizdi.
Qazirgi kezde tabıǵat apaty saldarymen kúreske áskerı kúshter de jumyldyrylyp otyr. Sý tasqynynan eldiń La-Pas, Benı, Santa-Krýs jáne Kochabamba aımaqtary kóp zardap shekken sııaqty. Keıbir derekter boıynsha, kýrortty Rýrrenabak qalasynda jer kóshýi saldarynan keminde 10 adam opat bolǵan. Bul eldi nóser jaýyn ótken jyldyń qyrkúıeginen beri jıi mazalap keledi.
ÝKRAINA ShENEÝNIKTERINIŃ KELÝINE ShEKTEÝ ENGIZDI
Kanada úkimeti Ýkraınanyń joǵary laýazymdy sheneýnikterine el aýmaǵyna kelýge shekteý engizdi. Kóshi-qon isteri jónindegi mınıstr Krıs Aleksandrdiń málimdeýinshe, bul jańa shara birden kúshine engen.
Kanada bıligi bul sheshimdi ýkraınalyq bıleýshi elıta músheleriniń eldegi qarsylyq aksııasyna qatysýshylarǵa qarsy jasaǵan is-qımylyna baılanysty dep túsindiredi. «Kanada erkindik pen demokratııa jolynda erlik kórsetken Ýkraına halqyn áli de qoldaıdy», dep atap ótipti K.Aleksandr. Sonymen qatar, mınıstr «Biz oppozısııanyń únin óshirýge tyrysqan birqatar ýkraınalyq sheneýnikterdiń Kanadaǵa kelýine shekteý qoıyp otyrmyz», degen kórinedi málimdemesinde. Biraq, ol shekteýdiń kimderge qoıylǵanyn atamaǵan.
OSYNDAI DA QYZYQ OQIǴA BOLADY EKEN
Shvesııa turǵyny Tomas Holmberg páterin tonamaq bolǵan 21 jastaǵy uryny páterine shaqyryp, oǵan ystyq yqylas tanytqan jáne kofe qaınatyp, qonaq retinde kútipti.
Oqıǵa bylaı bolǵan eken. Tún ortasynda jas jigit Holmbergtiń páterine balkon arqyly kirmek bolǵan. Páter ıesi men onyń zaıyby tasyr-tusyrdan oıanyp, balkonǵa qarasa, onda turǵan beıtanys adamdy kóredi. Balkondy ashqan páter ıesi uryny ishke kirgizedi. Ony as bólmesine shaqyryp, kofe usynady. «Ol baqytsyz adam keıpinde boldy, – dep aıtady Holmberg. – Tońǵan eken, bir jutym kofe oǵan kerek ekenin bildim de, páter ishine kirgizýge sheshim qabyldadym». Onyń bul usynysyna ury qarsy bolmapty, kofeni urttaı otyryp ol tonaýǵa árekettengeni úshin úı ıesinen keshirim suraǵan eken. Esh qarsylyq tanytpaı, ury polısııanyń kelýin de kútipti.
GÚLNARA KARIMOVANYŃ BIZNES-SERIKTESI USTALDY
Máskeýdiń «Sheremetevo» áýejaıynda Fransııa azamaty, bıznesmen Erık Kokını ustaldy. Oǵan О́zbekstan aýmaǵynda turǵan kezinde ekonomıkalyq qylmystar jasady degen kúdik keltirilip otyr.
Reseılik polıseılerdiń aqparattary boıynsha, E.Kokınıge О́zbekstan taraby memleketaralyq izdeý jarııalaǵan. «Ferǵana» agenttiginiń habarlaýynsha, Kokını birqatar jyldar boıy О́zbekstanda kásipkerlikpen belsendi aralasqan kórinedi. Sonymen birge, ol Tashkentke О́zbekstan prezıdentiniń úlken qyzy Gúlnara Karımovanyń bıznesin qurý úshin parfıýmerııa buıymdaryn jetkizýdi uıymdastyrǵan degen derekter bar. Aıta keteıik, sońǵy kezderi О́zbekstanda Gúlnara Karımovaǵa jaqyn birneshe adam qamaýǵa alynǵan bolatyn.
QYSQA QAIYRYP AITQANDA:
Respýblıkashylar partııasynan saılanǵan amerıkalyq kongressmen Maıkl Grımm Nıý-Iorktiń NV1 telearnasynyń tilshisi Maıkl Skottan onyń atyna qaýip tóndiretin sóz aıtqany úshin keshirim surady. Kongressmen telearna tilshisine «seni bir saýsaǵymmen janshyp tastaımyn» degen kórinedi.
Reseıdiń federasııa keńesi eldiń joǵarǵy jáne joǵary arbıtrajdyq sottaryn biriktirý týraly zań jobasyn bekitti. Zańǵa sáıkes Reseıde endi joǵarǵy sot qana qyzmet etedi.
Lıtva prezıdenti Dalıa Grıbaýskaıte Kıevtegi qaqtyǵystarda jaralanyp, Vılnıýs qalasyna emdelýge jetkizilgen ýkraınalyqtar arasynda boldy. Ol «adamdarǵa qarsy jabaıy kúsh qoldanýdy eshqashan aqtaýǵa bolmaıdy» dese kerek.
Japonııada eki áskerı oqý-jattyǵý ushaǵy jattyǵý kezinde soqtyǵysyp qaldy. Ushaqtaǵy ushqyshtar zardap shekken joq.
Internet materıaldary negizinde ázirlendi.
