Jeke sharýashylyǵy barlar da nazarda

Prezıdenttiń aýyl turǵyn­daryn qoldaıtyn vertıkaldy kooperasııalar qurylatynyn aıtqany qýantty. Osy kúnge deıin aldymdaǵy jekemenshik malymnyń esebinen ǵana kún kórip otyrǵan janmyn. Bizdi jeke qosalqy sharýashylyǵy bar jandar deıdi.

Memleket basshysy bizdiń uzaq merzimge beriletin arzan ne­sıege qol jetkize almaıtyny­myz týraly óte durys aıtty. О́ıt­keni, bankterge kepilge qoıa­tyn dúnıelerimiz mardymsyz. Ony kepilge alyp, bizge bank nesıe bermeıdi. Sondyqtan Úkimet tarapynan kooperasııa qurylyp, bizge kómek qolyn sozyp otyrsa, nesıe alýǵa járdem berse, osynyń ústine salyqtyq jeńildikter kóbeıtilse – biz de ónim shyǵarýdy ulǵaıtar edik.

Men eski traktorymmen aýlam­daǵy onshaqty qara men 50-60 qoı-eshkige jem-azyq taýyp bere alamyn. Et pen sút­ti arzandaý bolsa da satyp, kú­ni­mizdi kórip otyrmyz. Osy­laı kún kórýge bolady, bi­raq budan da jaqsyraq ómir sú­rýge umtylǵyń keledi. Qalada turatyn balalaryma úı alý úshin kó­mekti molyraq ja­saýdy ar­mandaımyn. Biraq sha­rýa­­sh­y­l­y­ǵymdy ulǵaıtýǵa múm­kin­di­gim joq. О́ıtkeni nesıe de ala almaımyn, jer úlesin de kó­beı­te almaımyn. О́zimizge beril­gen egis­tik maqsatyndaǵy jer úle­­sin óńdeı almaǵandyqtan biz iri kompanııalarǵa jalǵa be­rip qoı­ǵanbyz. Olar kúzdigúni biz­ge azdy-kóp paı beredi. Bi­raq osyn­daı kompanııalar jaıy­lym­ǵa paıdalanylatyn aýyl­ sha­rýa­shylyǵy jerlerin de egis­tik­ke jyrtyp tastap, mal basyn kóbeıtý, pishendeme daıyn­daý múmkindikterin azaıtyp otyr. Osy máselege jergilikti bılik ara­la­syp, jerdiń maqsatty paı­da­lanýyn nege qamtamasyz etpeı­tinine tańyrqap júremiz. Aıtsaq eshkim qulaǵyna da ilmeıdi.

Prezıdent Q.Toqaevtyń Joldaýda bizdiń áleýetimizdi paı­dalaný kerektigi týraly aıt­qany da unady. Shyn máninde úlken fermerler emes, biz sııaqty qosalqy sharýashylyǵy bar adamdar ǵana negizinen qala halqyn sa­paly sút, et ónimderimen qam­tamasyz etip otyr. Memleket bas­shysynyń bizdiń áleýetimizge senip, úmit artqanyna qýanyp qal­dyq. Endi osy talapty jer­gilikti bıliktegiler iske asyryp, azdy-kóp jaǵdaı jasasa biz de ónimderimizdi arttyra tú­ser edik. Bul saıyp kelgen­de jumys istegisi keletin aýyl turǵyn­dary­nyń turmys jaǵdaıyn jaq­sartýyna múmkindik berer edi.

Edilbaı QASENOV,

aýyl turǵyny

Soltústik Qazaqstan oblysy