Jergilikti BAQ derekteri boıynsha, sábıler, onyń ishinde eki aılyq qyz segiz jasar aǵasynyń qamqorlyǵynda jalǵyz qalady.
Kezekti reıd kezinde qala polıseıleri páterlerdiń birinde segiz, bes jas jáne eki aılyq balalardyń bolǵanyn anyqtady.
Polıseıdiń suraǵyna esik artynan balalardyń úlkeni jaýap berdi, ol anasynyń tańerteń ketip, olardy kilttep tastaǵanyn aıtty. Balalardyń ata-anasyn tabý ońaıǵa soqpady. Esikti TJD qyzmetkerleri ashty.
«Balalar ash, úı shashyrańqy boldy. Tońazytqyshta alkogoldi ishimdikten basqa tamaq joq. Eki aılyq qyzdy segiz jasar aǵasy pakettegi sútpen tamaqtandyrdy», dep atap ótti polısııa.
Otbasynyń kórshileri balalar úıde jıi jalǵyz qalady deıdi. Nátıjesinde, balalar qoldaý ortalyǵyna jetkizildi. Tórt saǵattan keıin anasy kelip, oblys ortalyǵynda jumys istep júrgenin aıtty.
Aıta ketsek, balalardyń anasy men ógeı ákeleri buryn sottalǵany anyqtaldy, ol ata-ana mindetterin oryndamaǵany úshin birneshe ret ákimshilik jaýapkershilikke tartylǵan.
«Qazirgi ýaqytta 34 jastaǵy áıel QR ÁQBtK-niń 127-baby 2-bóligi boıynsha ákimshilik jaýapkershilikke tartylyp, materıal sotqa joldandy», dep naqtylady tártip saqshylary.
