Oqıǵa 15 qyrkúıek saǵat 7:20-da bolǵan. S. Seıfýllın kóshesinen B. Momyshuly kóshesine bara jatqan Hyundai markaly avtokólik júrgizýshisi tórt adamdy qaǵyp ketken. Oblystyq polısııa departamentiniń baspasóz qyzmeti taratqan aqparatqa sáıkes, eki adam qaıtys bolǵan. Taǵy eki adam Taraz qalasynyń №1 aýrýhanasyna jetkizildi.
«Atalǵan derek boıynsha QR Qylmystyq kodeksiniń 345-baby 4-bóligimen sotqa deıingi tergeý amaldary bastaldy. Polısııa qyzmetkerleri joǵaryda atalǵan kólik júrgizýshisi 23 jastaǵy Taraz qalasynyń turǵynyn anyqtap, ustady», delingen vedomstvo habarlamasynda.
Áleýmettik jelilerde oqys oqıǵa bolǵan sát túsirilgen vıdeolar keń taralyp jatyr.
