Onyń aıtýynsha, korporasııa Qorqyt ata týraly teleserıal túsirýge daıyndyq jumystaryn bastaǵan.
«Bul telehıkaıany kúlli túrki álemine ortaq ónim retinde jasaýǵa jáne sizderdiń telearnalaryńyzǵa usyný oıymyzda bar. Sondyqtan túsirý jumystaryn basqa baýyrlas elderdiń aýmaqtarynda da júrgizetin bolamyz. Osyǵan túrki tildes elderdegi seriktesterimizdi atsalysýǵa shaqyramyz», dedi «Qazaqstan» teleradıo korporasııasynyń basshysy.
Aıta ketý kerek, búgin Nur-Sultan qalasynda HVII Eýrazııalyq medıa-forým bastaldy. Alqaly jıyn aıasynda Halyqaralyq Túrki akademııasy «Túrki elderindegi BAQ. Jańa jaǵdaıdaǵy yntymaqtastyqtyń damýy» atty dóńgelek ústel ótkizdi.
Alqaly jıynǵa Ázerbaıjan Prezıdentiniń burynǵy baspasóz hatshysy, telejúrgizýshi Tofıg Abbasov, «Qazaqstan» teleradıo korporasııasynyń Basqarma tóraıymy Lázzat Tanysbaı, Túrkııanyń NTV arnasynyń syrtqy jańalyqtar qyzmetiniń menedjeri Ahmet Ieshıltepe, Majarstannyń «Dýna» telekompanııasynyń dırektory Palffı Ishtvan, Halyqaralyq Túrki akademııasynyń vıse-prezıdenti Fızýlı Madjıdlı, Túrikmenstan memlekettik aqparat agenttiginiń bas dırektorynyń orynbasary Sıahemýrad Kakyshev, Tájikstannyń «Avesta» aqparattyq agenttiginiń bas redaktory Djanathon Kýrbanova, sonymen qatar belgili BAQ ókilderi men sarapshylar qatysty.
