Qujat negizgi úsh baǵyttan turady. Birinshisi, negizgi qýattardy qoljetimdi etý. Búginge deıin ınfraqurylym men resýrstarǵa qol jetkize almaǵan kásipkerler tutynýshyǵa qajetti qyzmetti kórsete almaı keledi. Ekinshi baǵyt baǵany retteýge baǵyttalǵan. Úshinshisi iriktelgen kompanııalarǵa qamqorlyq kórsetýdi azaıtýdy kózdeıdi. Osynyń aıasynda elde biryńǵaı operatorlardyń sany azaıady.
Bul týraly Básekelestikti qorǵaý jáne damytý agenttigi tóraǵasynyń orynbasary málimdedi.
Onyń aıtýynsha qazir elde 51 operator bar. Onyń 47-si memlekettiń qatysýymen qurylǵan. Jańa zań boıynsha olardyń tórteýi joıylady. Beseýi jyldyń aıaǵyna deıin operator mártebesinen aıyrylady. Zań jobasyn ázirleý kezinde eki júz otyz usynys qaralǵan. Nátıjesinde on zańǵa alpys ózgeris engizilmek.
