Parlament • 16 Qyrkúıek, 2021

Májilis depýtattary Reseıdegi Parlament saılaýyna baıqaýshy bolady

255 ret

kórsetildi

1 mın

oqý úshin

Májilis depýtattary ústimizdegi jyldyń 17-19 qyrkúıegi aralyǵynda ótetin Reseı Federasııasy Federaldyq Jınalysynyń VIII shaqyrylymy depýtattarynyń saılaýyna baıqaýshy retinde qatysady, dep jazady Egemen.kz Májilistiń baspasóz qyzmetine silteme jasap.

Ásel SARQYT

Májilis depýtattary Reseıdegi Parlament saılaýyna baıqaýshy bolady

Delegasııany Májilistiń Zańnama jáne sot-quqyqtyq reforma komıtetiniń tóraǵasy, sondaı-aq, Ujymdyq qaýipsizdik týraly shart uıymy Parlamenttik Assambleıasy jelisi boıynsha halyqaralyq baqylaýshylar tobynyń úılestirýshisi Arman Qojahmetov basqarady.

Qazaqstandyq delegasııanyń quramynda TMD PAA tarapynan Berik Bekjanov, Memlekettik Dýmanyń shaqyrtýy boıynsha Mádı Ahmetov jáne Vera Kım táýelsiz baıqaýshy retinde qatysady.

Májilis depýtattarynyń Máskeý men Máskeý oblysyndaǵy saılaý ýchaskelerine baryp, daýys berý barysyn baqylaýy josparlanǵan. Sonymen qatar, Memlekettik Dýmadaǵy jáne Ortalyq saılaý komıssııasyndaǵy saıası partııa fraksııalarynyń jetekshilerimen kezdesýler ótkizý josparlanǵan.

Qazaqstandyq Parlament ókilderi Ujymdyq qaýipsizdik týraly shart uıymy Parlamenttik Assambleıasynyń halyqaralyq baıqaýshylar tobynyń qorytyndy keńesine jáne Qorytyndy qujattardy daıyndaý úshin TMD baıqaýshylar mıssııalaryn úılestirýshiler keńesine qatysý da josparda bar.