Atap ótý kerek, elorda ákimdigi Nur-Sultanda kómir satýmen aınalysatyn kompanııalarmen, sonyń ishinde qara otyn baǵasynyń ósýine jol bermeý týraly memorandýmdar jasasty.
«Qalada 12 jerde kómir satýdy qamtamasyz etetin 7 kompanııa bar. Atalǵan oryndarǵa qalaǵa ákelinetin kómirdiń negizgi bóligi jetkiziledi jáne osy jerden kómir saýdasy júzege asyrylady. Nur-Sultan qalasynyń ákimdigi barsha turǵyndardy kómir satyp alýdy aldyn ala qamtamasyz etýge shaqyrady. Kún sýyǵanda kómirdi jurttyń bári jappaı satyp alatyndyqtan kezekter týyndaýy múmkin. Mundaı jaǵdaı bolmas úshin biz qyrkúıek aıynan bastap halyqty kómir satyp alýǵa shaqyramyz», dedi Nur-Sultan qalasy ákimdiginiń Otyn-energetıkalyq resýrstar bóliminiń basshysy Maqsat Esmaǵulov.
Belgilengen baǵalarǵa sáıkes, elordadaǵy kómirdiń ortasha quny: Shubarkól tonnasyna – 13 200 tg; Qarajyra tonnasyna – 13 500 tg; Maıkóbe tonnasyna – 12 000 tg; Bogatyr kómiri tonnasyna – 9 500 tg. «Qazirgi ýaqytta qoımada 800 tonnaǵa jýyq Shubarkól kómiri men eki myń tonnaǵa jýyq Maıkóbe kómiri bar.
Eshqandaı kezek joq, negizinen Kóktal-1, Kóktal-2 Agroqalashyq turǵyn úı alaptarynyń halqy kómirdi bizden satyp alady, biraq bıyl olardyń barlyǵy gazǵa qosylady. Kómir qys boıy jetkizilip turady», dedi «Bek-Aıda» JK qoıma meńgerýshisi Dýlat Qusaıynov.
