Qyzylorda oblysy polısııa departamentiniń ekstremızmge qarsy is-qımyl basqarmasynyń qyzmetkerleri jedel-izdestirý is-sharalary barysynda oblys turǵynynyń Qazaqstan Respýblıkasy aýmaǵynda tyıym salǵan dinı mazmundaǵy aýdıomaterıaldardy saqtaý faktisin anyqtady.
Sot tyıym salǵan aýdıomaterıaldardy destrýktıvti dinı aǵymnyń jaqtaýshysy, Qyzylorda oblysynyń 40 jastaǵy turǵyny VKontakte paraqshasynda saqtaǵan.
Kúdiktige qatysty QR ÁQBtK-niń 453-babynyń 1-bóligi (Qazaqstan Respýblıkasynyń konstıtýsııalyq qurylysyn kúshtep ózgertýdi, onyń tutastyǵyn buzýdy, memleket qaýipsizdigine nuqsan keltirýdi, soǵysty, áleýmettik, násildik, ulttyq, dinı, tektik-toptyq jáne rýlyq arazdyqty qozdyrýdy nasıhattaýǵa nemese úgitteýge baǵyttalǵan málimetter men materıaldar qamtylǵan buqaralyq aqparat quraldarynyń ónimin daıyndaý, saqtaý, ákelý, Qazaqstan Respýblıkasynyń aýmaǵyna tasymaldaý) boıynsha ákimshilik hattama toltyryldy. Sot qaýlysymen quqyq buzýshyǵa 40 838 teńge kóleminde ákimshilik aıyppul salyndy.
