«13 qyrkúıektegi jaǵdaı boıynsha oblys boıynsha «Ashyq» júıesine qosylǵan 8409 kásipkerlik nysany jumysyn jalǵastyrýda. Qyrkúıek aıynda óńirde «Ashyq» júıesiniń 4848 nysany tekserildi, onyń 292-si sońǵy 2 apta ishinde júıeniń qoldanylmaýyna baılanysty 2 apta merzimge baǵdarlamadan shyǵaryldy», dedi Atyraý oblysy ákiminiń orynbasary Baqytgúl Hamenova OKQ-da ótken baspasóz konferensııasynda.
Sondaı-aq ákimniń orynbasary óńirdegi epıdemıologııalyq ahýal týraly aıtty.
«Epıdemııa bastalǵannan beri oblysta koronavırýstyq ınfeksııasy bar 49500 adam anyqtaldy. Sońǵy táýlikte 98 jaǵdaı tirkeldi. Jalpy, búgingi tańda KVI-men aýyratyn naýqastardyń 93%-y saýyǵyp ketti. Sońǵy aıda óńirde koronavırýstyq ınfeksııanyń taralýy ótken aımen salystyrǵanda 5,6 esege tómendedi», dep atap ótti spıker.
Onyń derekterine sáıkes, óńirde 624 orynǵa arnalǵan ınfeksııalyq stasıonar, onyń ishinde 40 reanımasııalyq tósek-oryn ázirlendi. Qazirgi ýaqytta ınfeksııalyq stasıonarda 518 naýqas em alýda jáne oblys boıynsha tósek júktemesi 22,0%-dy quraıdy.
