Dárigerdiń aıtýynsha, koronavırýstyq ınfeksııanyń taralý qarqyny boıynsha respýblıka óńirlerindegi epıdemıologııalyq jaǵdaıdy baǵalaý matrısasyna sáıkes 2021 jylǵy 16 qyrkúıekte Aqmola oblysy «qyzyl» aımaqta bolýyn jalǵastyrýda.
Pandemııa bastalǵannan beri Kókshetaý qalasynda Sovid-19 ınfeksııasy rastalǵan 12187 oqıǵa tirkeldi. Qyrkúıektiń 16-sy kúni - 577 jaǵdaı, onyń ishinde oqýshylar arasynda 57 jaǵdaı anyqtaldy. Sońǵy táýlikte vırýs juqtyrǵandar sany 36 jaǵdaıdy qurady.
«Búginde Kókshetaýda tósek qorynyń júktemesi 46%-dy quraıdy. 236 adam aýrýhanaǵa jatqyzyldy, 33 naýqas reanımasııada, eki naýqas ottegine táýeldi. Bul rette naýqastardyń 99% vaksınasııalanbaǵan», dep túsindirdi Q.Ysqaqov.
KVI aýrýynyń tómendeýine baılanysty 100 tósektik «Kókshetaý temir jol aýrýhanasy» JShS men 60 tósektik «Kókshetaý qalalyq kóp beıindi aýrýhanasy» ShJQ MKK stasıonarlary jabyldy. Sondaı-aq 100 tósektik kópbeıindi oblystyq aýrýhana janyndaǵy ınfeksııalyq stasıonardy da jabý josparlanýda.
Buǵan deıin habarlanǵandaı, 16 qyrkúıekte oblystyń bas memlekettik sanıtarlyq dárigeriniń № 37 qaýlysy shyǵaryldy. Sondaı-aq Q.Ysqaqov kókshetaýlyqtarǵa jańa qujatqa sáıkes mektepke deıingi balalar mekemeleriniń, «Baldáýren» respýblıkalyq oqý-saýyqtyrý ortalyǵy» RMQK qyzmetine ruqsat etilgenin eske saldy. Qoǵamdyq kólik endi senbi, jeksenbi jáne mereke kúnderi jumys isteı alady.
