Foto: WANA (West Asia News Agency) via REUTERS
Aýǵanstanda bılikti basyp alǵan «Talıban» radıkaldy qozǵalysy Áıelder isteri mınıstrligin taratyp, onyń ornyna ıslamdyq «sharıǵat polısııasy» fýnksııalaryn oryndaıtyn organ qurdy. Bul týraly juma kúni Aýǵanstan halyqaralyq jergilikti telearnasy habarlady.
Ondaǵy derekke súıensek, tańerteń tálipter burynǵy ataýy bar taqtaıshany mınıstrlik ǵımaratynan alyp tastap, onyń ornyna «ámrı marýf ýá náhı mýnkár» («dinniń ámirin úgittep, kúnádan tyıylý») degen jazý ilip qoıǵan. Ol 1996-2001 jyldary, radıkaldar Aýǵanstanda bılik qurǵan kezde bolǵan organnyń ataýy.
Buǵan deıin jergilikti buqaralyq aqparat quraldary «Talıban» sońǵy kúnderi mınıstrlikte istegen áıel qyzmetkerlerdi jumys ornyna jibermeı jatqanyn, departament ǵımaratynyń aldynda qaýipsizdikti kúsheıtkenin habarlaǵan.
Áıelder isteri mınıstrligi Aýǵanstanda 2001 jyldyń jeltoqsanynda, Talıban Kabýldan qýylyp, eldiń kóp bóligin baqylaýdy joǵaltqannan keıin quryldy.
