«Er adam psıhotroptyq zattardy baılanyssyz túrde satýmen aınalysqan. Jergilikti turǵyndardyń nazary qylmyskerdi ustaýǵa kómektesti. Olar kúdikti jigitti baıqap, bul týraly ýchaskelik ınspektorǵa habarlady, ol atalǵan mekenjaıǵa dereý kelip, ony ustady», dep habarlady Almaty PD bastyǵynyń orynbasary Rýstam Ábdirahmanov.
Onyń aıtýynsha, jeke tekserý júrgizý kezinde kúdiktiden esirtkiniń oralǵan 33 túıini tárkilenip, taǵy ekeýi kireberistiń janynda tabyldy.
Atalǵan fakti QR QK 296-baby 4-bóligi boıynsha sotqa deıingi tergeýdiń biryńǵaı tiziliminde tirkelip, hımııalyq saraptama taǵaıyndaldy.
«Esirtkini ótkizý arnasyn belgileý jáne «jumys berýshi» dep atalatyn tulǵany anyqtaý boıynsha jedel is-sharalar kesheni júrgizilýde. Sotqa deıingi tergep-tekserýdi júrgizý Bostandyq aýdandyq PB tergeýshilerine tapsyryldy», dep atap ótti Ábdirahmanov.
