Qala ákiminiń bastamasymen qolǵa alynǵan tazalyq sharasyna memlekettik qyzmetshiler, kásipkerler, tártip saqshylary, shahar turǵyndary men eriktiler qatysty. Ár mekeme ózine júktelgen aýmaqty qoqystan tazalady.
Senbilikke 12 myńǵa jýyq turǵyn qatysty. 100-den asa arnaıy tehnıka jumyldyryldy. Barlyǵy 165 tekshe metr qoqys qala syrtyna shyǵaryldy. Sonymen birge ırrıgasııalyq aryqtar tazalanyp, demalys oryndarynda syrlaý jumystary júrgizildi.
Osy kúni «Jasyl El» jáne «Stýdenttik qurylys» jasaqtarynyń maýsymdyq jobasynyń jabylý saltanaty ótti. Onda qala ákiminiń birinshi orynbasary Sh.Muqan belsendi jastardy marapattady. Bul jobada qala boıynsha 1200-ge jýyq jas qamtylǵan.
«Qala kelbeti tek sándi de sáýletti úılermen, jasyl jelekti saıabaqtarmen ólshenbeıdi. Kún saıyn kórkeıip kele jatqan Shymkenttiń ajary onyń tazalyǵyna da baılanysty. Sondyqtan árbir qala turǵyny úles qosýy qajet. Birge tazalyq mádenıetin qalyptastyraıyq!», dep jazady Shymkent qalasy ákimdiginiń baspasóz qyzmeti.
