Qarqaraly aýdanynyń Balqantaý aýyldyq okrýgindegi tabıǵı órtti aýyzdyqtaý barysynda barlyǵy úsh adamnyń denesin kúıik shalǵan edi.
TJD baspasóz qyzmetiniń habarlaýynsha, 1989, 1979 jáne 1973 jyly týǵan Egindibulaq kentiniń 3 turǵyny aýrýhanaǵa jatqyzylǵan. Olardyń denesin 18, 28 jáne 90% termııalyq kúıik shalǵan.
«Egindibulaq aýylynan 3 adam jetkizildi. Onyń bireýiniń denesin 90% kúıik shalǵan. О́te aýyr kúıik shogyn alǵan. Termoıngalıasııalyq jaraqat. Jasalǵan sharalarǵa qaramastan, ókinishke qaraı, naýqas alǵan jaraqatynyń aýyrlyǵynan qaıtys boldy. Ekinshi naýqastyń 28% denesin kúıik shalǵan, úshinshisinde - 18% kúıik. Olardyń jaǵdaıy turaqty», dep habarlady Qaraǵandy oblysy densaýlyq saqtaý basqarmasynyń baspasóz qyzmeti.
Tabıǵı órtterdi joıýǵa 339 adam jáne 94 tehnıka, onyń ishinde TJ departamenti (93 adam, 22 tehnıka) jáne jergilikti atqarýshy organdardyń órtke qarsy erikti quralymdary (246 adam, 72 tehnıka) jumyldyryldy.
