Sputnik О́zbekstan habarlaǵandaı, О́zbekstan Ortalyq saılaý komıssııasy 14 qyrkúıektegi otyrysta aldaǵy prezıdent saılaýyna kandıdat áıel - О́zbekstannyń halyqtyq demokratııalyq partııasynan Maksýda Varısovanyń tirkelýin bekitti. Qazirdiń ózinde respýblıkada resmı tirkelgen bes partııanyń ókilderine kandıdattyq kýálikter tabys etildi.
Maksýda Varısova - tájirıbeli dáriger. Ol kóp jyldar boıy densaýlyq saqtaý júıesinde, memlekettik jáne qoǵamdyq basqarý organdarynda qyzmet etken. Qazirgi ýaqytta ol azamattardyń densaýlyǵyn saqtaý máseleleri jónindegi Olıı Majlıs (Parlament) zań shyǵarý palatasynyń komıteti tóraǵasynyń orynbasary laýazymyna ıe. Onyń saılaýdaǵy basty básekelesi qazirgi Memleket basshysy Shavkat Mırzıeev bolmaq.
Gazeta.uz basylymy habarlaǵandaı, Maksýda Varısova «halyq máselelerin ishki jaǵynan biletin qarapaıym ana, qarapaıym áıel» retinde qandıdatýrasyn usynǵan.
Aldaǵy saılaýda daýys berý prosesin 50 eldiń jáne ondaǵan halyqaralyq uıymdardyń ókilderi baqylaıdy dep kútilýde.
