Qaıǵyly oqıǵa búgin shamamen 17.00-de eki adamnyń menshik quqyǵyna qatysty daýy boıynsha sot sheshimin oryndaý kezinde boldy.
Sot sheshimimen tanysqan soń, jergilikti turǵyn úıge júgirip baryp, sot oryndaýshysyna, ýchaskelik polısııa ınspektorlaryna jáne aýlada bolǵan basqa adamdarǵa qarýdan oq jaýdyrdy. Bes adam, onyń ishinde qyzmette bolǵan eki polısııa qyzmetkeri, oqtan jaraqat alyp, kóz jumdy.
«Kúdikti arnaıy jasaq sarbazdarynyń qatysýymen qarý qoldanylmaı ustaldy, óıtkeni úıde áıelder men balalar boldy. Atalǵan fakti boıynsha QR Qylmystyq kodeksiniń 99 baby 2 bóligi «Kisi óltirý» boıynsha qylmystyq is qozǵaldy. Qylmys jasaǵany úshin 20 jylǵa deıin bas bostandyǵynan aıyrý nemese ómir boıyna bas bostandyǵynan aıyrý jazasy qarastyrylǵan», dedi Almaty qalalyq Polısııa Almaty polısııa departamenti basshysynyń orynbasary Rústem Ábdirahmanov.
Onyń aıtýynsha, qazirgi ýaqytta oqıǵa ornynda jedel-tergeý toby jumys istep jatyr. Oqıǵa bolǵan jerdi polısııa qorshaýǵa aldy. Azamattardyń ómiri men densaýlyǵyna qaýip joq.
