Aıtýly jarystyń tusaýy sonaý 1921 jyly kesildi. Sol kezden beri úzdikter saıysyn jer jahandaǵy kóptegen memleketter qabyldady. Sońǵy báseke byltyr Italııanyń Imola qalasynda ótti. Koronavırýs dertiniń órship turýy saldarynan Apennın túbegindegi álem chempıonatyna qatysýshylar nebary tórt medal jıyntyǵy úshin talasty. Sol bas júldeniń ekeýin Nıderlandtyń maqtanyshy Anna Van der Breggen jeńip alsa, qalǵan eki altyndy fransııalyq Jıýlıan Alapfılıpp pen ıtalııalyq Fılıppo Ganno oljalady.
Bıyl 100 ret uıymdastyrylyp otyrǵan dúbirli dodanyń alǵashqy medaldary da óz ıelerin tapty. Erlerdiń 43,3 shaqyrymdyq saıysynda ıtalııalyq Fılıppo Ganna aldyna jan salmasa, Belgııanyń qos qyrany – Vaýt van Art pen Remko Evenepýl júldegerler qatarynan kórindi. Qazaqstandyq veloshabandozdar arasynda eń úzdik nátıjege Dmıtrıı Grýzdev qol jetkizdi. Ol 31-oryndy qanaǵat tutty.
Áıelder básekesinde nıderlandtyq Ellen van Deık dara shyqsa, toptyq jarysta danııalyq Iohan Praıs-Petersen ozdy.
