Almaty qalasynyń kásipkerlik jáne ınvestısııalar basqarmasy túsindirgendeı, nan baǵasynyń jeltoqsan aıyna deıin kóterilýi boljanbaıdy.
Búgingi tańda Almatyda nan baǵasy bir bólke úshin 75-ten 90 teńgege deıin, bul el boıynsha eń tómen baǵalardyń biri.
«Bul kórsetkishterge áleýmettik mańyzy bar azyq-túlik taýarlarynyń baǵasyn turaqtandyrý boıynsha qabyldanyp jatqan sharalar esebinen qol jetkizildi. «Aınalym» qaryzdaryn iske asyrý sheńberinde «Aqsaı «Nan-toqash kombınaty» JShS-ne áleýmettik nan óndirý úshin 23,8 myń tonnadan astam kólemde 1 mlrd teńge somasyna, bir bólke úshin 75 teńge deńgeıinde belgilengen shekti bosatý baǵasymen jeńildikti qaryz berildi», dep habarlady basqarmadan.
Sonymen qatar, ákimdikte nan baǵasynyń tómendigi qalaı qamtamasyz etiletini naqtylandy.
«Nannyń tómen baǵasyn qamtamasyz etý «Aqsaı «Nan-toqash kombınaty» JShS-men jeńildikti qaryz týraly shart jasasýǵa baılanysty, sondaı-aq «Aqsaı» ónimderin jetkizýmen barlyq saýda jelilerin, 3000-nan astam «úı janynda» dúkendi jáne dıstrıbıýtorlardyń kómegimen ishinara azyq-túlik bazarlaryn qamtý esebinen júrgiziledi. «Toımart» saýda jelisinde 940 tonna nandy sórede bekitilgen baǵamen satý - bir bólke úshin 75 teńge», dep tolyqtyrdy ákimdik.
