«Shynynda da, kóptegen salalarda analıtıkalyq tásilderdiń álsireýi baıqalady. Bul úrdis memlekettik basqarý úshin úlken problemalar týǵyzady. Sebebi bul saladaǵy sheshimder baıypty analıtıkalyq zertteý negizinde qabyldanýy kerek. О́kinishke oraı, kóptegen sheshimder jaǵdaıǵa baılanysty, týyndaǵan daǵdarystarǵa reaksııa retinde qabyldanady. Klýbtyń aldyńǵy otyrystarynyń birinde bul jaǵdaı qazirgi álemdegi gýmanıtarlyq bilim daǵdarysymen baılanysty degen pikirmen bólisken edim. Osyǵan baılanysty men klýb músheleriniń osyndaı qoǵamdyq taldaý mektebin qurý týraly usynysyn óte ózekti dep sanaımyn», dedi Máýlen Áshimbaev.
Mektep tyńdaýshylary analıtıkalyq mátinderdi jazý sııaqty qoldanbaly daǵdylardy, zertteý ádisnamasyn, derekter bazasymen jumysty, memlekettik basqarýda, halyqaralyq qatynastar men dıplomatııada qoldanylatyn analıtıkalyq tásilderdi meńgere alady. Dárister oqý jáne trenıngter ótkizý úshin kórnekti qazaqstandyq taldaýshylar men zertteýshilerdi shaqyrý josparlanýda.
