Bul týraly ózbek prezıdentiniń Aýǵanstan boıynsha arnaıy ókili Ismatýlla Irgashev habarlady.
«Árıne biz Aýǵanstanmen aradaǵy kólik jáne temirjol baılanysyn qalpyna keltiremiz. Qazir pandemııa ýaqytynda aýǵanstandyqtar azyq-túlik pen dári-dármekke muqtaj bolyp otyr. Biz olarǵa qajet zattardy kólikpen jáne poıyzben jetkize alamyz», dedi Irgashev.
Arnaıy ókil kezinde shekaranyń koronavırýs pandemııasyna baılanysty jabylǵanyn aıtty.
«Shekteýler qashanǵa deıin sozylatyny belgisiz. Endi shekaranyń ashylýy tek Aýǵanstandaǵy sanıtarlyq-epıdemıologııalyq ahýalǵa ǵana emes, eldegi bıleýshi topqa da baılanysty. Turaqty mınıstrlik qurylýy kerek», dedi ol.
Aıta keteıik, О́zbekstan men Aýǵanstan arasyndaǵy kólik baılanysy pandemııaǵa baılanysty 2020 jyldyń naýryz aıynda ýaqytsha toqtaǵan.
