Kıorlıngten mundaı joǵary deńgeıli jarys Qazaqstanda 20 jyldan keıin ótkeli tur. Álem Kýbogy halyqaralyq jarystar kúntizbesine engizilgendikten, vedmstoaralyq komıssııa jarysty uıymdastyrýǵa ruqsat bergen.
Endi úsh boıy álemniń úzdik 12 komandasy «Almaty-Arena» kesheninde kúsh synasady. Sonymen qatar Halyqaralyq kerlıng federasııasynyń basshylyǵy men delegasııa ókilderi keledi.
«Álem Kýbogynyń resmı ashylý rásimi 23 qyrkúıek, saǵat 11:00-de «Almaty-Arenada» ótedi. Al oıyndar saǵat 9:00-den bastalady. BAQ ókilderi aldyn ala tirkeýsiz, erkin kire alady. Jarys kezinde barlyq karantın jáne sanıtarııa talaby saqtalady», dep habarlaıdy Mádenıet jáne sport mınıstrliginiń baspasóz qyzmeti.
Álem Kýbogy Mádenıet jáne sport mınıstrligi Sport jáne dene shynyqtyrý isteri komıtetiniń, Ulttyq Olımpıada komıtetiniń jáne Almaty qalasy ákimdiginiń qoldaýymen ótkiziledi. Al jahandyq básekeniń uıymdastyrý jumysyna Qazaqstan kıorlıng, edendegi kıorlıng, petank federasııasy Halyqaralyq kıorlıng federasııasymen birlesip jaýap beredi.
