Vıktorııa shtatynyń Tótenshe jaǵdaılar jónindegi memlekettik qyzmeti óziniń Twitter-degi paraqshasynda jer silkinisiniń epısentri Vıktorııa shtatyndaǵy Mansfıld aýylynyń janynda ornalasqanyn habarlady. Bastapqyda jer silkinisiniń kúshi 6 ballmen baǵalandy, biraq keıinirek ol 5,9 ballǵa tómendedi.
Avstralııanyń ekinshi úlken qalasy – Melbýrnnyń ortalyq bıznes aýdanynda kem degende bir ǵımarat pen berilis jelileri zardap shekti. Sońǵy birneshe jylda qalada mundaı kólemdegi jer silkinisi bolǵan joq. Qazirgi ýaqytta zardap shekkender týraly aqparat habarlanǵan joq.
Sondaı-aq jer silkinisiniń dúmpýi Ońtústik Avstralııanyń Adelaıda qalasynda epısentrden 800 km qashyqtyqta, Jańa Ońtústik Ýelstiń Sıdneıinde epısentrden 900 km qashyqtyqta sezildi delingen. Vıktorııa memlekettik Tótenshe jaǵdaılar qyzmeti sýnamı qaýpin joqqa shyǵardy.
Avstralııa aýmaǵy tektonıkalyq plıtanyń ortasynda ornalasqan, sondyqtan úlken jer silkinisteri óte sırek kezdesedi. Geoscience Australia málimetteri boıynsha, 6.6 balldyq eń úlken jer silkinisi 1988 jyly Soltústik terrıtorııada tirkelgen.
