ÚKIMET NAZARYNA

NAQTY JER TELIMINIŃ NAQTY О́TEÝI QAIDA? Elbasy Joldaýynda aıtylǵan Jetigen – Qorǵas temir jol qurylysy Almaty oblysyna qarasty Ile, Talǵar, Eńbekshiqazaq jáne basqa aýdan­dardyń jerin basyp ótedi. Barshamyz da memlekettik mańyzy bar bul isti qýana qarsy aldyq. Temir jol qurylysy memleket men­shigindegi tabıǵı shabyndyqtar men mal jaıylym­daryn, sonymen birge jol aýyldardyń mańdaryna salyn­ǵan­dyqtan, sharýa qoja­lyqtarynyń sýarmaly jerlerin de basyp ótedi. Talǵar aýdanyn­daǵy Nura aýyl­dyq okrýgine qarasty sharýa qojalyq­taryna beril­gen túsi­niktemede bizge osyndaı sýarmaly jer telimderi beriletini nemese shyǵyndarymyzdyń ótemi tólenetini aıtylǵan edi. Qazir jerdiń qadiri men baǵasyn bárimiz de biletin boldyq. Bala-shaǵanyń nápaqasyn osy jer arqy­ly taýyp otyrǵanymyz anyq. Temir joldyń qajettigin barynsha túsine otyryp, bizdiń sharýa qojalyq­tarymyzǵa 49 jylǵa jalǵa berilgen jerimizdiń temir jol qurylysy úshin alynǵan telimderine ótem talap etýge quqyly bolsaq kerek. Osy hatqa qol qoıǵan sharýa qojalyqtarynyń jetekshileri “Qazaqstan temir joly” ulttyq kompa­nııasy basshylarynan óz talap-tilekterimizge naqty jaýap ala almaı júrgenimizdi nazarǵa salǵymyz keledi. Eger talabymyz jergilikti atqarýshy organdar tarapy­nan sheshiletin bolsa, bizge balamaly jer telimderi berilýi tıis, eger QTJ tarapynan sheshi­letin bolsa Jer kodeksiniń 84-babyn­yń 4-tarmaǵyna sáıkes shyq­qan shyǵyn­darymyz ótelýi kerek. M.SEIITOV, T.SYRǴABAEV, J.SMAILOV, S.NÚSIPJANOV, Nura aýyldyq okrýgine qarasty sharýa qojalyqtarynyń jetekshileri. Almaty oblysy.