Jastarǵa jaǵdaı jasalady

Qazaqstan Respýblıkasynyń Prezıdenti Nursultan Ábishuly Nazarbaevtyń bıylǵy Joldaýy táýelsiz Qazaqstannyń turaq­ty damýyn qamtıtyn jáne mem­leketimizdiń barlyq salasyna tyń serpin beretin, halqymyzdyń ıgiligin kózdeıtin naqty is-josparǵa qurylǵan shyn mánindegi tarıhı qujat ekeni daýsyz. Bul Joldaýdyń taǵy bir ereksheligi – Máńgilik El qurýdy kózdeıtini. О́ıtkeni, bul bizdiń otandyq or­taq tarıhymyzda múlde jańa uǵym. Naqtyraq aıtqanda – Máń­gilik El qurýǵa baǵyttalǵan uzaqmerzimdi Strategııany jú­ze­ge asyrý jóninde naqty baǵ­dar­lama usynylyp otyr. Bulardan bólek Qazaqstannyń qazirgi za­manǵy álemniń eń damyǵan 30 eliniń qataryna kirýdi kózdeıtin damyǵan memleket qurý ult­tyq ıdeıasy da jan-jaqty maz­mun­dalǵan. Al bul tarıhı min­detti iske asyrý Nursultan Nazar­baevtaı Prezıdenti bar qazaq­standyqtardyń qolynan kele­tinine tıtteı de kúmánim joq. Memleket basshysy aldaǵy 35 jyldy 7 «besjyldyqqa» bó­le­di. Bul besjyldyqtardyń ár- qaı­synyń jeke-jeke maqsat-múddeleri bolady. Elbasy osy­naý ár kezeńdi qamtıtyn mańyz­dy mindetterdi de naqty atap kórsetti. Ár kezeń saıyn ekono­mıkanyń jańa belesterin baǵyndyrý árbir bes­jyldyqtyń naqty nátıjesi bolyp tabylady. Sondaı-aq, Elba­synyń ǵy­lymǵa negizdelgen eko­nomıka qa­lyptastyrý týraly tapsyrmasy da ǵylym men ınno­vasııalyq tehnologııalarǵa basa nazar aýdarý qajettigin bildiredi. Elbasynyń bıylǵy Jol­daý­ynda maǵan qatty unaǵan taǵy bir qýanyshty jaǵdaı – bilim be­rý salasy qyzmetkerleriniń áleý­mettik paketin qaıta qaras­tyratyny. Atap aıtqanda, sala qyz­metkerleriniń eńbekaqylary 2015 jylǵy 1 shildeden bastap 29 paıyzǵa deıin arttyrylmaq. Al bul bizder úshin úlken kó­mek. Yntalandyrýdyń mun­daı joldary bilim berý salasy qyzmetkerlerin jańa min­det­terdi, ıaǵnı Joldaýda aıtyl­ǵan, jan-jaqty saralanǵan «Qa­zaqstan-2050» Strategııa­syn júzege asyrýǵa tikeleı jumyl­dyrmaq. Bul elimizdiń árbir azama­tynyń ilgeri umtylýyna úlken qam­qorlyq. Jalpy, Mem­leket bas­shysy óziniń jyl saı­ynǵy jol­daýlarynda ǵylym men bi­lim salasyna aıryqsha kóńil bólip otyrady. Bul jolǵy Jol­daýynda da sol daǵdysynan aıny­mapty. Ásirese, Elbasy jas­tar­dyń qamyn oılaıtyndyǵyn taǵy da tanytty. Sonyń ishinde, má­selen, 2016 jyldan bastap stý­dent­terdiń shákirtaqysy ósetin­digin málimdedi. Bul másele Jol­daýda bylaısha kórinis tapqan: «Úlgerimi jaqsy stýdentter men oqýshylardy qoldaýdyń tıimdi júıesin jasaý qajet dep sanaımyn. Úkimetke 2016 jyldyń 1 qańtarynan bastap stıpendııalar mólsheriniń 25 paıyzǵa ósirilýin qamtamasyz etýdi tapsyramyn». Árıne, mundaı ústemeden bilim alýshylardyń qaı-qaısysy da dámeli ekeni daýsyz. Endeshe, olar endi jaqsy úlgerimge qol jetkizý úshin tyrysa túspek. Osy jolǵy Joldaýda Elbasy ıdeologııa máselelerine erekshe toqtalyp, ekpin berdi. Atap aıtqanda, alda qazaqstandyq patrıotızmdi arttyrý baǵytynda naqty sharalar qabyldanýy kerek. О́ıtkeni, osyǵan úlken mán berilip otyrǵany ańǵarylady. Ásirese, Máńgilik El ıdeıasy boıynsha jastarmen jumys kúsheıtiletin bolady. Bul rette, árıne, bizdiń pedagogtarymyzdyń atqaratyn róli men mindetteri zor. «Ulttyq bilim berýdiń barlyq býynynyń sapasyn jaqsartýda bizdi aýqymdy jumys kútip tur», – dedi Prezıdent. Osy Joldaýda aıtylǵan mindetterdi júzege asyrý bizderge de mol jaýapkershilikter júkteıdi. Sondyqtan da Abaı atyndaǵy Qazaq ulttyq pedagogıkalyq ýnı­versıteti ujymy da óz múm­kin­dikterin, jınaqtalǵan mol tá­jirıbelerin Joldaýda aıtylǵan mindetter men berilgen tapsyrmalardy múltiksiz oryndaýǵa jumyldyratyny sózsiz. Bul Joldaýda bizdiń ýnıversıtet úshin taǵy bir jańalyq – basqarýdyń avtonomııalyq túrine kóshý ekeni. Elbasy bylaı dep atap kórsetti: «Jetekshi ýnıversıtetterdi akademııalyq jáne basqarýshylyq avtonomııaǵa birtindep kóshirýge josparly túrde kirisý qajet». Mundaı úrdis búginde Astanadaǵy Nazarbaev Ýnıversıtetinde ǵana bar. Endi oǵan elimizdegi ulttyq mártebege ıe ýnıversıtetter birte-birte kóshýge tıis. Abaı atyndaǵy Qazaq ulttyq pedagogıkalyq ýnıversıteti de osy baǵytta biraz ýaqyttan beri daıyndyq jumystaryn atqarýda. Bir sózben aıtqanda, biz bul iske kirisýge tolyq ázirmiz deýge negiz bar. Egerde biz akademııalyq jáne basqarýshylyq avtonomııaǵa kóshetin bolsaq, munyń tıimdiligi men paıdasy ýnıversıtet úshin aıtarlyqtaı bolmaqshy. Atap aıtqanda, ǵalymdarymyz ben izden­gish stýdentterimizdiń ómir­sheń ǵylymı jobalarynan alynǵan tabys kózin tıimdi paıdalana al­saq, joba avtorlaryn yntalandyra túseri daýsyz. Basqarýdyń mundaı joly bilim ordasyna tyń serpin beretinine bek senimdimin. О́ıtkeni, Elbasy bar úmitin erteń elge eltutqa bolatyn jastarǵa artyp otyr. «Ásirese, jastarymyzǵa mynany aıtamyn. Bul Strategııa sizderge arnalǵan. Ony júzege asyratyn da, jemisin kóretin de sizdersizder», – dep atap kórsetti. Endeshe, Prezıdent N.Á.Na­zarbaev úmit artyp otyrǵan sol jastardy tárbıeleý, olarǵa tereń bilim berý bizderdiń, pedagogtardyń tikeleı mindeti bolyp tabylady. Sonymen birge, Elbasynyń osynaý aıtqany bizderge de tikeleı qatysy bar dep oılaımyz. Demek, bul bizder úshin de jaýapty mindet. Sondyqtan, Elbasy Joldaýynda aıtylǵan mindetterdi oryndaýǵa bárimiz de bir kisideı atsalysamyz. О́ıtkeni, Máńgilik El bolý úshin bir maqsat, bir múdde, bir bolashaq – ortaq arnada toǵysýy qajet. Al Máńgilik El bolýdy bizdiń ata-babalarymyz san myń jyldar boıy ańsap keldi. Endi sol asyl armanǵa jetý árqaısymyzdyń óz qolymyzda. Endeshe, bar kúsh-jigerimizdi soǵan jumyldyraıyq, degim keledi. Serik PIRÁLIEV, Abaı atyndaǵy Qazaq ulttyq pedagogıkalyq ýnıversıtetiniń rektory, UǴA korrespondent-múshesi, professor.