Densaýlyq saqtaý mınıstri Alekseı Soı Avstrııanyń QR-daǵy Elshisi Vıllı Kempelmen kezdesý ótkizdi. Kezdesý barysynda ekijaqty yntymaqtastyq, sondaı-aq dıagnostıkalyq ortalyq salý jáne «Vamed» kompanııasynyń aýrýhanalardy basqarý máseleleri talqylandy.
«Avstrııalyq bıznes pen jalpy kompanııalardyń jetekshi toptarynyń qyzyǵýshylyǵy Qazaqstan úshin óte mańyzdy. Sondyqtan sizderdi kórgenimizge qýanyshtymyz, ózara pikir almasyp, eki jaqty kózqarasty anyqtap alǵymyz keledi», dedi A.Soı.
2010 jyldan bastap Qazaqstan men Avstrııa arasynda qoǵamdyq densaýlyq saqtaý salasyndaǵy ózara túsinistik týraly Memorandým jasaldy. Aldaǵy kúnderi jalǵasyp jatqan yntymaqtastyq aıasynda Nur-Sultanda Qazaqstan-Avstrııa Iskerlik keńesiniń otyrysy ótedi.
«Eger biz osy Memorandýmdy birlesken kúsh-jigermen toltyra alsaq, men óte qýanyshty bolar edim. Búgin naqty qadam retinde Men sizge vamed kompanııasynan delegasııany alyp keldim – bul tehnologııalar turǵysynan aýrýhanalar, gospıtaldar salý, paıdalaný, jabdyqtaý boıynsha iri halyqaralyq jumys istep turǵan kompanııalardyń biri. Bul kompanııa álemdik naryqtaǵy kóshbasshylardyń biri», dedi V.Kempel.
Kezdesý barysynda Vamed kompanııasynyń ókilderi ózderi qurǵan medısınalyq ortalyqtardyń tusaýkeserin ótkizdi. Sonymen qatar, memlekettik-jekeshelik áriptestik aıasynda Almaty qalasynda 200 tósektik kópbeıindi aýrýhana salý jospary talqylandy. Bul joba Vamed kompanııasynyń teń ınvestorlary retinde tartý kezinde Eurasia Power Group otandyq konsorsıýmyna bastamashylyq etedi.
Kelissózder qorytyndysy boıynsha eki el arasyndaǵy yntymaqtastyqty jalǵastyrý jáne nyǵaıtý týraly ýaǵdalastyqqa qol jetkizildi.
