“BARAR JER, BASAR TAÝYM QALMADY”

Men, Temirbaeva Nurjamal, jalǵyzilikti anamyn, eki balam bar. 2001 jyldan bastap Astana qalasynda turamyn. Eki balama tólenetin alıment 2000 jyldyń qyrkúıek aıynan bastap tólen­beı qaldy. Sebebi, jaýapker Dosekeev Seısenqul men kórset­ken ýaqyttan bastap, Almaty qala­syndaǵy №115 mektepte mate­­matıka páninen muǵalim bolyp isteı bastaǵan. Osy jaǵ­daıdy jazyp, men Joǵarǵy Sot janyndaǵy Sot ákimshiligi jónin­degi komıtetke alıment almaı­tyn­dyǵym týraly aryz­dandym. Meniń búkil qujat­tarym­d­y tekserip, túgendep Eleýov Asqar degen azamat “endi tek kútesiz” dep shyǵaryp saldy. Eki aı ótken kezde sot oryn­daýshyǵa taǵy bardym. “Kútińiz, kelip qala­dy” dedi. Dál osyndaı ýáde­men meni 1 jyl kúttirdi. Aqyry men Eleýov Asqardyń bos sóz­derinen esh nátıje shyqpaı­tynyn bilip, 2002 jylǵy 11 ma­myrda Almaty qalasyn­daǵy sot ákimshisine bardym. “Sizge alıment óndiril­meı turǵan sebebi, qujattary­ńyz keńsede jatyp joǵalyp ketipti”, dep jaýap berdi. Meniń qolymda álgi joǵalyp ketipti degen qujattardyń kóbeıtilgen túri bar edi, dereý solardy ótkizip qaıtadan aryz jazyp qaldyryp kettim. Týǵan aýylym Shýǵa kelip turyp jattym. Jumysym joq, balalarǵa aqsha ala almaı, úıimizde nanymyz da joq, qına­lyp qaldyq. Bireýlerge jaly­nyp-jalbarynyp, azdaǵan aqsha qaryz alyp, Almatyǵa taǵy bar­dym. №115 mekteptiń esepshisi maǵan 13900 teńge aqshamdy qo­ly­ma ustatyp, “Dosekeev Seı­senqul óz erkimen jumystan bosap, basqa mektepke aýysyp ketti” dedi. Almatydaǵy sot oryndaýshylar: “Biz ony meken-jaı tirkeýleri arqyly izdes­tiremiz” degen. Odan keıin de biraz ýaqyt ótti, esh habar bol­mady. Bárinen kúder úzgen men Prezıdentke ótinish jazdym. Prezıdent Ákimshiliginen “Sizdiń aryzyńyzdy Joǵarǵy Sot janyndaǵy Sot ákimshiligi jónindegi komıtetke jiberdik” degen jaýap aldym. Ol jaqtan da jaýap bolmady. 2003 jyly men Astana qalasyna kelip, temir jol salasyna jumysqa kir­dim. Áleýmettik qamsyzdan­dyrý bólimine baryp, “Meniń eki bala­ma járdemaqy týralap bere­sizder me?” degenmin. “Alıment almaıdy degen anyqtama ákel­seń, kómek­tese alamyz”, dedi. Men qaıtadan Joǵarǵy Sot janyndaǵy Sot ákimshiligi jó­nin­degi komıtetke baryp, “Ma­ǵan endi alıment ón­dirip bermediń­der, eń bolmasa alıment almaı­dy degen anyq­tama berińder, járdemaqy ala­ıyn” dedim. Isaev Baqytjan degen azamat: “Men sizge ondaı anyqtama bere almaımyn”, dedi. “Sizdiń qujat­taryńyzdy Dose­keev Almatyda bolmaǵan­dyqtan, Shý aýdanynyń sot tóraǵasyna jiberdik” degen qaǵaz aldym. 2004 jyly men Dosekeevten habar alar ma eken­min degen úmit­pen Shý aýdany­nyń sot oryn­daý­shysyna baryp jolyq­tym. Dosekeev Seısen­qulǵa izdeý ja­rııa­lanǵany týraly aıtty ol jerdegiler. Eki balama mektepte ata-anasy ajyrasqan, ne bol­masa alıment almaıdy degen anyqtama ákelseńder tegin tamaq ishesińder depti. Sol anyqtama úshin Shý aýdanyna bardym. Baıaǵy sot oryndaýshy sol jerdiń tóraǵasy bolyp otyr eken. “Men sizge ondaı anyqtama bere almaımyn, kúıeýińizdiń izdeýde ekendigi týraly anyqtama alyńyz”, dedi. Tóle bıge baryp, kóshi-qon polısııasyna jolyq­sam, “Sizdiń qaǵazdaryńyz esh­qashan túspegen” dedi. Sonymen bosqa qaıtadan qaıtyp keldim. Eń aýyr qylmys jasaǵan qyl­myskerdi de dál bulaı jazala­maıtyn shyǵar. On jyl boıy meni jáne eki balamdy kúlki-mazaq­qa aınaldyrǵan sot oryn­daýshylarǵa shara qoldaný múm­kindigi joq pa, sirá? Nurjamal TEMIRBAEVA. ASTANA. Redaksııadan: Nurjamal Temirbaevanyń basyndaǵy tyǵyryqqa tirelgen hám sharasyz jaǵdaı búgingi kúni biraz áıel balasynyń basynda bary ras. Qashqyn ákelerdiń meıirimsizdigi qoǵamdyq dertke aınalyp otyrǵany da jasyryn syr emes. Olar týdyryp otyrǵan problemalardyń sheshilmeı jatatyndyǵy da aqıqat shyndyq. Degenmen, osy máselelerdi sheshetin, osy problemalarmen aınalysatyn memlekettik mekeme qyzmetkerleri bar ekenin nesine jasyramyz. Joǵarydaǵy aryz ıesiniń de qolyna qalam aldyrǵan, redaksııada aryz jazdyrǵan osyndaı jaǵdaı. Onyń ashynatyndaı reti de bar. Aıdyń, kúnniń amanynda, el tynysh, jurt jaıma-shýaq kezeńde soqtaldaı azamattyń iz-túzsiz joǵalyp ketýin qalaı túsinemiz? Izdeý jarııalanǵan Seısenqul Dosekeevti osy kezge deıin taba almaı otyrǵan tıisti organdardyń dármensizdigin qalaı baǵalaýǵa bolady? Nurjamal Temirbaevanyń hatyn jarııalaı otyryp, redaksııa tıisti oryndardan jaýap kútedi.