Osylaısha 18 mıllıon teńgege jýyq memleket qarjysy tıisti baǵytqa jumsalmaǵan. Olqylyqty sybaılas jemqorlyqqa qarsy qyzmet mamandary anyqtap otyr. Keıbir sharýalardyń bir ǵana tehnıka úshin memleketten eki márte sýbsıdııa alǵan.
Budan bólek, tıisti qujattaryn tolyq tapsyrmastan, qyrýar qarjy alǵan jaıttar da kózge ilikken. Qazir vedomstvonyń sarapshylary men aýyl sharýashylyǵy mınıstrliginiń mamandary fermerlerdi qarjylandyrý prosedýrasyndaǵy sybaılas jemqorlyq áreketterin joıý boıynsha jumys júrgizip jatyr.
«Pasport boıynsha qarasaq bir ǵana kombaın satyp alynǵan. Al onyń eki birdeı menshik ıesi bar. Demek bir tehnıkaǵa eki ret sýbsıdııa bólingen. Iаǵnı belgili bir kompanııanyń quryltaıshysy bir tirkelse, onyń qyzmetkeri retinde taǵy bir zańdy tulǵa tirkeledi. Bul «Qoldaý» portalynda olqylyq bar ekenin kórsetti. Biz portal ákimshiligine tıisti usynystar joldadyq. Sondaı-aq aýyl sharýashylyǵy basqarmasy men mınıstrlikke de eskertpeler joldandy», dedi oblystyq sybaılas jemqorlyqqa qarsy qyzmet basqarmasynyń jetekshisi Baýyrjan Qusaıynov.
