«Memleket basshysy «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynda joǵary sapaly ekonomıkalyq ósýdi qamtamasyz etý jáne halyqtyń ómir súrý deńgeıin jaqsartý boıynsha naqty mindetterdi alǵa qoıdy.
«Prezıdenttiń ınflıasııany belgilengen dálizderge qaıtarý tapsyrmasyn iske asyrý maqsatynda Úkimet 2021-2024 jyldarǵa arnalǵan ınflıasııaǵa qarsy áreket etý is-sharalary keshenin qabyldady», dedi ol.
Onyń atap ótýinshe, atalǵan jospar aıasynda baǵalardyń ósýin tejeýge jáne áleýmettik mańyzy bar azyq-túlik taýarlarynyń qoljetimdiligin ulǵaıtýǵa baǵyttalǵan jedel jáne júıeli sıpattaǵy 64 is-sharanyń iske asyrylýy kózdelgen.
«2022 jyly kásipkerlikti damytý úshin «Qarapaıym zattar ekonomıkasy» jáne «Bıznestiń jol kartasy» baǵdarlamalaryn iske asyrý jalǵasady. Jalpy, qarjylandyrý kólemi 1 trln teńgeni quraıdy. Mıkro jáne shaǵyn bızneske júktemeni azaıtý maqsatynda eńbekaqy tóleý qorynan biryńǵaı tólem engiziletin bolady. Bul osy tólemderdi esepteý men tóleý tártibin ońaılatýǵa, sondaı-aq eńbekaqy tóleý qoryna túsetin jalpy júktemeni 2023 jyldan bastap 34-ten 25 paıyzǵa deıin tómendetýge múmkindik beredi», dedi Álıhan Smaıylov.
