– Elbasy N.Nazarbaev soǵys jáne tyl ardagerlerine qamqorlyq jasaýdy únemi nazarda ustap keledi. Sondyqtan ár ardagerge respýblıkalyq bıýdjetten 65 myń teńgeden bólinip otyr. Buǵan oblystyq bıýdjetten 14 myń teńge qosylady. Aýdannan da qarjy qarastyrylady. Budan bólek 27 soǵys ardageri Jeńis kúni qarsańynda Taraz qalasynda paıdalanýǵa berilgen jańa páterlerdiń kiltine ıe bolady, – dedi oblys basshysy. Sondaı-aq, ákim ardagerlerdiń Astana men Máskeýge baryp-kelýiniń muqııat uıymdastyrylyp, olardyń ústindegi kıim úlgileriniń de biryńǵaı bolýyn qadaǵalaýdy qunttaýdy tapsyrdy.
Kósemáli SÁTTIBAIULY. Jambyl oblysy.
KО́ŃILDIŃ HOShY BOLǴAN KEZDESÝLER. Jeńistiń 65 jyldyǵyna oraı kún qurǵatpaı ótip jatqan túrli sharalardyń arasynda L.Tolstoı atyndaǵy oblystyq kitaphana uıymdastyrǵan kitap onkúndigi aksııasy jurtshylyqtyń nazaryn erekshe aýdardy. Apta basynda ótken “Biz Jeńiske birge jettik” kitap kórmesinen bastap, aksııa sheńberindegi sharalardyń barlyǵy da soǵys taqyrybyna arnaldy. Ásirese, kitaphanadaǵy soǵys ardagerlerimen bolǵan kezdesýler, “B.Momyshuly–aty ańyzǵa aınalǵan adam”, “Soǵys jyldary ánderiniń keshi” atty keshterdiń árqaısysy birneshe saǵatqa sozyldy. Kitap oqymaıdy, kompıýterge táýeldi, batystyń jeńil mýzykasyna áýes degen búgingi jastar ókilderi aǵa urpaq áńgimesin jylap otyryp tyńdady. Áńgime urpaq arasyndaǵy baılanysty úzbeý ekenin osy keshter taǵy da eskertkendeı boldy.
Názıra JÁRIMBETOVA, QOSTANAI.
BIZ – JEŃIS MURAGERLERIMIZ. Oblysta Jeńistiń 65 jyldyǵyna oraı ardagerler men olardyń uıymyna qosymsha qoldaý kórsetý maqsatynda qaıyrymdylyq aksııasy júrip jatyr. Otan úshin ot keshken maıdangerlerge Úkimet, oblys, aýdan tarapynan bólek syı tartý – azamattyqtyń, erliktiń qunyn bildirý, óskeleń urpaqqa tárbıe. Sozaq aýdanynyń ákimi Sozaqbaı Ábdiqulov demeýshiler esebinen ardagerlerge bir-bir tulpar mingizse, qaıyrymdylyq aksııasynda Maqtaaral aýdany alda keledi. Al, “Nur Otan” HDP OQO fılıaly tóraǵasynyń birinshi orynbasary Ulasbek Sádibekovtiń bastamasymen merekege oraı soǵys ardagerlerimen kezdesýler ótkizilýde. Qazyǵurt aýdanynda úıi joq bir maıdangerge úı salyp berilip jatyr.
Baqtııar TAIJAN, Ońtústik Qazaqstan oblysy.
SYR ARDAGERLERI ELORDADA BOLDY. Syr aımaǵynda turatyn soǵys, tyl, eńbek ardagerleriniń alǵashqy toby Astana qalasyna saıahatta bolyp qaıtty. Olardyń barlyq sany 300 bolsa, árbir top 50 adamnan 6 ret saparǵa shyqpaq. Elordaǵa saparlap qaıtqan alǵashqy toptyń quramynda 25 qyzylordalyq, 25 qarmaqshylyq ardager bar. Sapar aldynda ardagerlerdi oblys ákimi B.Qýandyqov qabyldap, olarǵa joldamalar tabystap, sát sapar tiledi. Syr óńirinen barǵan qonaqtar “Abaı” qonaq úıine ornalastyrylyp, elordamyzdyń tarıhı-mádenı oryndaryna ekskýrsııa jasady.
Erkin ÁBIL, Qyzylorda.
JOL QURYLYSY PARTIIа BAQYLAÝYNDA. “Nur Otan” HDP ǵasyr jobasy bolyp otyrǵan “Batys Eýropa-Batys Qytaı” halyqaralyq tranzıttik dáliziniń Qazaqstan aýmaǵynan ótetin bóliginiń qurylysyna partııalyq baqylaý uıymdastyrýdy qolǵa aldy. Osy máselege baılanysty partııanyń oblystyq fılıalynda ótken jıynda Parlament Senatynyń depýtaty Edilbaı Imanqulov oblysta jobanyń júzege asyrylý barysy jaıynda obektıvti aqparattardy daıyndaý úshin partııanyń fılıaly janynan aýmaqtyq komıssııa, qurylys obektilerinde partııalyq baqylaý toptary qurylǵanyn málimdedi. Avtomobıl joldary komıteti Aqtóbe oblystyq departamentiniń bastyǵy Baǵlan Baımaǵambetov atalǵan halyqaralyq kólik dáliziniń 621 shaqyrymy Aqtóbe oblysy aýmaǵyna kiretinin aıta kelip, osy kezge deıin atqarylǵan jumystardan habardar etti. Onyń aıtýynsha, qazir osy joba boıynsha 480 adam eńbek etedi, al jumys qyzǵan kezde olardyń sany 1 myńǵa jetedi.
Satybaldy SÁÝIRBAI, Aqtóbe oblysy.
NEMIS TILINDEGI KITAPTAR KELDI. Bıyl Qazaqstanda Germanııa jyly bolyp jarııalanǵany málim. Osyǵan oraı J.Moldaǵalıev atyndaǵy oblystyq ǵylymı-ámbebap kitaphanasynda nemis tilindegi jańa kitaptar men kompakt-dıskilerdiń tanystyrylymy boldy. Atalmysh kitaptar Germanııadan nemis elshiligi arqyly ákelingen. Rásimge jınalǵandar kitaphana qoryndaǵy sırek kezdesetin shetel ádebıetterimen de tanysty. Atalmysh qordyń bas kitaphanashysy Raısa Ábýǵalıevanyń aıtýynsha, qorda myńǵa jýyq asa qundy kitaptar saqtalyp otyr, taıaýda olardyń elektrondy nusqasy jasalmaq. Sonymen qatar, kitaphanada shetel ádebıeti úshin arnaıy bólim ashylǵan. Tanystyrylym kezinde M.О́temisuly atyndaǵy Batys Qazaqstan memlekettik ýnıversıtetiniń stýdentteri nemis aqyndarynyń óleńderin oqyp, án shyrqady. “JaıkTrýbTeh” JShS dırektory Holger Nýmrıh Oralda arnaıy klýb ashýdy josparlap júrgenin, osy jerde nemis tilin oqyp-úırenýge bolatynyn atap ótip, Germanııadan tapsyrys boıynsha keletin jańa kitaptardy kitaphanaǵa tartý etetinin jetkizdi.
Temir QUSAIYN, ORAL.
KIShKENE NURISLAMDY IаLTA KÚTEDI. Bes jasar bul baldyrǵannyń esimi qazir aımaqqa málim bolyp tur. Atynyń alysqa aıan bolýy óneriniń arqasy. Jańaarqa aýdanynyń ortalyǵyndaǵy “Er Tóstik” balalar baqshasynyń tárbıelenýshisi jaqynda Astanada ótken “Aq kógershin” IV halyqaralyq baıqaýǵa qatysqan bolatyn. 5-ten 12 jasqa deıingi jetkinshekter arasyndaǵy nomınasııa boıynsha jeńimpaz atanǵan búldirshin. “Bolashaq juldyzdar” atty aýdandyq, oblystyq, odan qala berdi halyqaralyq deńgeıdegi baıqaýda sahnalyq súıkimdiligimen, jas shamasyna qaramaı tapqyrlyǵymen, búr jara bastaǵan talantymen baýraǵan bala endi Iаltada ótetin “Juldyzdy Aıý-taý” baıqaýyna shaqyrylyp otyr. Osyndaı qurmetke qýanyshty Nurıslam Tyltysh bul kúnde oǵan daıyndyq ústinde.
Aıqyn NESIPBAI. Qaraǵandy oblysy, Jańaarqa aýdany.
