Olardyń biri – Jezqazǵan qalasyndaǵy óner mektebiniń segizinshi synyp oqýshysy Aıala Qýanysh «Jas sýretshi» atalymy boıynsha birinshi júldeni jeńip alsa, Qaraǵandydaǵy №2 lıseıdiń oqýshysy Iаna Ivanochkına «Kollaj» janry boıynsha ekinshi oryndy ıelendi.
«Saryarqa daryny» balalarǵa arnalǵan qosymsha bilim berý aımaqtyq ǵylymı-praktıkalyq ortalyǵynyń ádiskeri Gúlnaz Mananbaeva eki jas sýretshiniń de bolashaǵy zor ekenin aıtady.
«Atalǵan baıqaýǵa oblysymyzdan segiz sýretshi qatysty. Al Aıala men Iаna usynǵan jumystardyń shynynda da joǵary talǵammen oryndalǵanyn aıta ketken jón. Aldaǵy ýaqytta biz daryndy órenderdiń shyǵarmashylyǵyn jiti qadaǵalaıtyn bolamyz», deıdi ol.
Bıylǵy baıqaý Táýelsizdiktiń 30 jyldyq mereıtoıyn atap ótý aıasynda uıymdastyrylyp, úmitkerler óz týyndylaryn «Táýelsiz Qazaqstan – balalar kózimen» urany boıynsha usynǵanyn aıta ketken lázim.
Jalpy, atalǵan óner saıysyna elimizdiń túpkir-túpkirinen 136 jas sýretshi qatysqan bolatyn. Baıqaýda jeńimpaz jáne júldeger bolǵan talanttar dıplomdarmen jáne arnaıy syılyqtarmen marapattaldy.
