Ata-analardyń beıne habarlamasy Instagram-da jarııalanǵan.
«Bizdiń balalarymyz jattyǵý kezinde sýdaǵy hlormen ýlandy. Qazir bári jaqsy. Jaǵdaılary turaqty. Balalar dárigerlerdiń qatań baqylaýynda. Olarǵa sút ishkizip, ýaqytynda kómektesken. Alǵashqy kómek kórsetken jattyqtyrýshylarymyzǵa rahmet. Eshqandaı shaǵym joq. Tezirek saýyǵyp ketemiz dep úmittenemiz», dedi zardap shekken qyzdardyń biriniń anasy.
Taǵy eki ata-ana da jattyqtyrýshylarǵa alǵysyn bildirip, basseın ákimshiligine narazylyqtary joq ekenin atap ótti.
Buǵan deıin Almaty Qoǵamdyq densaýlyq basqarmasy basseınde 11 balanyń ýlanǵany týraly habarlady. Basseın ókili túsindirgendeı, bir apta buryn sýdy hlorlaýdyń jańa apparaty ornatyldy, ol kenetten isten shyǵyp, basseın sýyna hlor shyǵarǵan. Atalǵan fakti boıynsha qylmystyq is qozǵaldy.
