Kásiporynnyń atqarýshy dırektory Sergeı Iýgaıdyń aıtýynsha, sońǵy úsh jylda Qazaqstanda astyq pen unnyń baǵasy turaqty ósýde.
- Eger ótken jyly unnyń kelisi 130-135 teńge bolsa, bıyl 150 teńgege jetti. Un qymbattasa, makaron baǵasy da ósedi. О́nim baǵasyn kótermesek shyǵynǵa batamyz, - dedi mán-jaıdy túsindirgen Sergeı Iýgaı.
Onyń aıtýynsha, baǵanyń ósýine budan bólek Reseıden jetkiziletin qaptama materıalynyń qymbattaýy jáne jumysshylardyń jalaqysyn kóterý qajettiligi de áser etedi.
- Jobamen qazan aıynan bastap daıyn ónimniń baǵasyn 8-10 paıyzǵa kóterýge týra keledi. Sońǵy ret biz makaron ónimderiniń qunyn bir jyldan astam ýaqyt buryn kóterdik, bul ýaqyt ishinde un birneshe ret qymbattady, - dep túsindirdi atqarýshy dırektor.
Sonymen qatar reseılik óndirýshiler de makaron ónimderiniń baǵasyn 12%-ǵa qymbattatatynyn málimdegen. Olar qajet bıdaı túriniń tapshylyǵy men materıaldar baǵasynyń kúrt ósýine tap bolǵan.
- Biz óndiriste reseılik qatty astyqty qoldanbaımyz, sondyqtan kórshi eldegi baǵanyń ósýine táýeldi emespiz. Sondaı-aq makaron ónimderimizdi Reseıge jetkizbeımiz, óıtkeni biz osy ýaqytqa deıin baǵa deńgeıinde reseıliktermen básekelese almadyq. Al eger olardyń ónimderi qymbattap, biz básekege qabiletti bolsaq, muny da baıqap kóremiz - deıdi Sergeı Iýgaı.
